معاناة فتاة في سن الثلاثين

:السلام عليكم ورحمة الله وبركاته
انا عند وعدي اني انزل موضوع يخص معاناة الفتاة العزباء التي وصلت سن الثلاثين ولم------------------------------------------------------------------------------- :icon28:
غالياتي انا كتبت هذا الموضوع مخصوص لكل فتاة وصلت سن الثلاثين او تعدت هذا العمر وارجوا من جميع الفتيات اللاتي هن دون هذا السن عدم الدخول حتى اللي اعمارهم 29سنة عشان ماتحسر على عمري اللي فات
المهم ياحلوات الهدف من موضوعي هذا الفضفضة بكل ماتعنيه هذه الكلمة من معاني جميلة والابتعاد عن الزيادة او النقصان والمشاركة لكل فتاة خاصة بنات الخليج
التعريف بي اولا
انا عمري 30 عام ويااااااااااااااااااااااااويلي من هالعمر:( ومايحمل بين طياته من مآآآآآآآآآآآآآآآآآآسي مرة لايشعر بها الا من عاشها يوما بيوم بل لحظة بلحظة
موظفة ولله الحمد وراح تبداء الدوامات يوم السبت وتبدا معها معاناة فتاة الثلاثين
مرت الايام والشهور والسنين ولم يتقدم احد لخطبتي وان شاء الله يكون خير الي
روتيني جدا ممل قبل رمضان والعيد طبعا لانها كانت احلى الايام عندي
ان الحين اصوم ست من شوال وانصحكم بصيامها لما فيها من الفضل العظيم
في يوم العيد لبسنا وكشخنا والكل عايد بعضه امس رحنا عند اقاربنا نعايدهم ولقيت كل العائلة مجتمعين الله لايفرقنا وهذا يقول مااااااااااااااااااااااااما وهذي تقول ماااااااااااااااااااااااااااااااااااما وانا حسيت نفسي وحيدة بينهم على قولتهم لاولد ولا تلد والله يابنات اصغر مني وفي عمري واللي عندها واحد ولي اكثر من الاطفال وانا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظظ
الله يعوض صبري خير ويرزقني وكل فتاة بلغت 30 بالزوج الصالح اللي مايسمع الا شوري ولا يشوف الا زولي (حلوهالمثل) لايزعلون علي الاخريات لانا نوهنا من البداية مايدخل الا فتاة 30 اللي يشوفني اردد هالعمر يقول اني اردد الثلاث وعشرين فرحانه وجهي مع هالعمر
يالله يابنات حواء الغاليات ابي تفاعل منكم وردود وفضفضة كل ماحسيتي بضيقة ادخلي موضوعي وكلنا لكي آذان صاغية
سامحوني على الاطالة وفااااااااااااااااااااااالكم طيب
قبل مانسى اللي تنخطب :arb:تقولنا على طووووووووووووووووووول عشان نبارك لها ونهنيها وندعي لها بالسعادة