معاناتي مع ابني

خليه يختلط باطفال وراح يتغير بيوم وليلة

شوفي اختي والله بنتي كانت كذا بالضبط وهيا الان عمرها 5 سنين
اخذتها لطبيبه نطق وتخاطب وبعد الكشف عليها قالت انتي ماتتكلمي معاها صح؟ فانا جاوبت ايه لاني جدا مشغوله
فقالت بالحرف الواحد كيف تبغيها تتكلم اذا انتي ماتكلميها من فين تبغيها تكتسب كلمات ومفردات؟
رجعت البيت وجلست ابكي ولمت نفسي كثير على تقصيري ( هاذا الكلام كان قبل سنه) المهم جربت اشياء كثيره
و والله اختي بنتي الان ماشاء الله لسانها مايدخل فمها وكلامها كثير سار مرتب وصح بالعربي في تغيير كبير جدا
فرح اقولك اش عملت
اول شئ اجلسي معاه وحاولي تحفظيه سور في القران بنطق صحيح بمعنى لا تقبلي ابدا منه نطق غلط في اي كلمه في القران وخليكي معاه عيدي السوره 10 او 20 مره في اليوم ( منها يحفظ ومنها يتعلم الفصاحه )
الشئ الثاني الوقت اللي انتي مشغوله فيه بالطبيخ او اي شئ ثاني افتحيله قناه براعم ( والله تعلمهم كثير ) بس مايتجاوز الساعتين في اليوم
كمان اجلسي انتي معاه كل يوم العبي اي شئ معاه واتكلمي حكيه عن اي شئ حصل لكي في عملك او لاهلك او حكيه عن قصص طفولتك لانه رح يتجاوب معاكي ورح يبدأ يرد
والاهم كل فتره دخليله في كلامك كلمه جديده عليه واشرحي معناها
زي امس قلت لبنتي انتي اليوم تصرفاتك سيئه ( بس تأذي اختك) اش تبريرك؟
هيا طلت فيا وقالت اش تبرير فقلتلها يعني ايش السبب فردت عليا قالت ماما تصرفاتي مو سيئه بس انا العب معاها
والله لو طبقتي اللي اقولك اياه رح تشوفي فرق جدا كبير في خلال شهرين او ثلاثه
ايوه ونسيت شئ ابدأي علميه الحروف كتابه وقراءه وتقدري تسمعيه الحروف من النت

الله يشفيه

مشالله عازفة القيتار كفت ووفت_كمان في قسم تربيه وتغذية الاطفال قرات عن زيت كبدالحوت بنكهة البرتقال عن تجارب جدا مفيد للتركيز وفتح الشهيه وغيره سوي بحث وشوفي
-وربي يعطيه العافيه

اشكر كل من رد على موضوعي
و الله يسعدكم دنيا و اخره
مشكورررررررين ما تقصرون