معاناتي مع الرضاعة الطبيعية .. بنتي رافضة ترضع الله يحرم يدها على النار اللي تفيدني

مادري وين المشكلة اللي تخلي اولادي يرفضون صدري .. احيانا اقول انه بسبب ان الحلمة عندي مسطحة واحيانا اقول لا
لانها برزت شوي مع الشفط

بنتي الان عمرها 15 يوم
في المستشفى لمن جبتها ما اخذت ولا رضعة صناعي وعلى طول عطيتها صدري
لاحظت انها تمص بس ماحسها تبلع
ولمن احطها على صدري تنام
ولمن اصحيها تحوس وتعصب ماتعرف ترضع
وعلى طووول جيعانة
ما ابالغ اذا قلت انها يومها كله على صدري

اظطريت اعطيها رضعة صناعي عشان اقدر ادخل الحمام وانتو بكرامه واجهز اختها للمدرسة
يعني تفك زنقتي شوي

اليومين هذي بدت ترفض صدري مع اني ما اعطيها الا رضعة صناعي بعد ما اكون انهكت جسديا ونفسيا معاها
وخااايفة تسوي زي اخوانها
المصيبة لسى عمرها ايام ماكملت شهر
واليوم تحوس على صدري وتعصب وتسحب الحلمة نفس حركات اخوانها زمان
اخرتها استسلمت وعطيتها صناعي

تكفوون يا بنات والله فيني هم
لدرجة اني ابكي انا وياها احيانا
مقهورة مابيها تنفطم من الحين

مين فيكم عانت مثلي ؟؟
مين جربت الحلمات الصناعية وهل جابت نتيجة
جبت ايفنت بس ماتقبلتها بنتي يقولو مقاسات
واحس اللي عندي كبيرة
ايش الاشياء اللي تدر الحليب غير الحلبة
واذا عندكم نصايح فيدوني

واخر شي دعواتكم انها ترضع مني طبيعي