معقولة اللي مثلها تندم والا عادي 💔😔

قبل شوي وصلني خبر وفاة جارة لنا اعرفها
الله يرحمها ويغفر لها لها فترة تعبانة
سبحان الله هالحرمة ولدها قبل سنوات توفى وقبل لا يتوفى سكنها في بيته شقة فوق
وسبحان الله بعد وفاته قامت زوجة ولدها قالت لها بيتنا صغير وباخذ غرفتين من بيتك للعيال قالت لها خلاص واخذت نص الشقة اللي فوق قسمتها مدخل لحال
ودايم مسكينة تجي تشتكي تقول الله يسامحها حتى العيال مايطلعون يسلمون عليه وانا ودي بشوفتهم
ووهي عندهم فوق ولا كأنها جدتهم والواضح من الام الله المستعان لان مرا تعامله بسيء
توفت الحبيبة وهي ودها بشوفتهم وودها انها كان تقعد عندهم زي اي جدة تحب ابناء ولدها
اول ماجاني خبرها على طول جا ببالي كيف شعور زوجة ولدها كيف شعورها لما تشوف صغر الدنيا وانها ماتختمت مع ام زوجها وعاملتها بالاحسان
هل ندمت وصحت على نفسها وشافت وش كثر انها سوت غلط بحياتها
لو ام زوجها شريرة والا انسانة سيئة كان معها حق بس انسانة من حالها في بالها بس ودها بلمتهم حولها ولا حتى تبي البيت لها ولا طلبت بشي
بس سبحان الله بعض ناس قلوبهم ماتعرف الطيب
الله لا يجعلنا نندم على تصرف سيئ ولا على اذى انسان ويرحل قبل لا نتسامح
شعور يوجع لما تظلم انسان ويخرج من الدنيا خروج نهائي ماعاد فيه لقاء
يارب يرحمها ويربط على قلب بناتها فرق الام موجع
الله يرحم كل ام ماتت ويحفظ كل ام موجودة ويبارك في اعمارهم
ياليت يابنات اللي علاقتها سيئة مع ام زوجها خاصة او مع كل انسان في هالدنيا تتعض وتتفكر في هالحياة وش كثر قصيرة مرا في غمضة عين يتبدل الحال...