معقولة هي ساحرتني !!!!!/ لايخص القسم

السلام عليكم خواتي
ماعرفت وين أحط الموضوع بس صدق أحس بقهر فضيع
طعا اغلبكم قرا موضوعي عن الخوف
المهم بنات حالتي زادت سوووءا
حسبي الله ونعم الوكيل
أفكاري مشتته
المهم دخلت منتدى أبي اعرف اللي فيني هو تابع لشيخ
شرحت له مشكلتي كامله والله أحس فيه
قالي اللي فيني سحر وعين وسحر فالغرفه سحر مرشوش وسحر مشروب والله اعلم
طبعا من يومها حالتي مايعلم فيها الله
الله يعافيني ويعافي أمة محمد
المهم زوجي خبر امه بالموضوع مسكينا حزنت علي وايد
قالت اقرأ لج في ماي اشربيه واغتسلي فيه قلت أن شاء الله
بعدها زوجي يأب لي الماي أنا شربته وغسلت ويهي وراسي
ومحافظه على سورة البقرة والرقية الشرعية
البارحة جلست مع عمتي ام زوجي قالت والله العظيم عقب ما قرات فالماي وعطيتج فالليل يوم نمت
حلمت امممم أنا ما فهمت اول شي كان صوتها واطئ والعيال يصيحون بس اللي فهمته
أنها لقت في غرفتي نفس الكلينكس ولنا فتحته لقت فيه سحر
وكان حد يقول لها أني بتعافى أن شاء الله
تقول بعدها طلعت من الغرفة قطوه سوده عمياء وقعدت تشوف عمتي وفجاه يت زوجة أخو ريلي وشلت القطوه على كتفها وراحت تقول والله العظيم هذا الحلم حلمته بعد مااعطتني الماي اللي قرت فيه
(بنات اللي تعرف تفسيره تخبرني)
اللي استنتجته والله اعلم انه هذي زوجة أخو زوجي سوت لي شي

بشرح لكم وضعي معاها

هي أصغر مني بكم سنه وتزوجت قبلي بشهر والله من دخلت البيت من اول دقيقه شفتها مارتحت لها وكانت تشوفني بنظرات كره وحقد ماعرف ليش
أنا ماعرفها ولا تعرفني وكانت كله تتكلم عني بالشين قدام زوجة أخو زوجي الثانية بالسوء
وانا والله مأسويت لها أي شي
مغرورة ومتكبرة بشكل ماتتخيلونه حتى سلام ما تسلم علي وإذا سلمت مجبورة وإذا سلمت ما تسلم علي بالمصافحة لا تمد لي يدها وكان يدها وصخه يعني أنا أمسك معصمها فهمتو علي

بنات غرفتها وغرفتي الباب فالباب
هل معقولة تفسير الحلم هي اللي مسويه لي شي معني كنت شاكه في شغالتي القديمة
والله ماعرف وشو أسوي
للعلم هي مسيطرة على زوجها مخلتنه خاتم بصبعها
ومغرورة على الكل
ومره عمتي قالت انه هم مال هالسوالف يعني سحر وأعمال لان هي أتعرف أمها
شو رأيكم بنات
أنا ما أعاملها إلا بكل خير والله بس هي تكرهني
ليش تسوي شو مصلحتها أنا مابحط فذمتي أنها سوت لي بس حلم عمتي يدل لان هي عقب طلعت فالحلم وشلت القطوه وراحت !!!!!!!!!


حسبي الله ونعم الوكيل