غرررشة عطررر @ghrrrsh_aatrrr

عضوة فعالة

معقوله انا حساسه او الموضوع عادي

السلام عليكم ورحمة الله وبركاته

كيف حالكم يااخواتي انا اول مره اكتب في هذا القسم بس والله من شي احس فيه من الضيقه انا متزوجه رجل عنده اولاد وما عنده زوجه حياتي معهم زينه ولله الحمد انا احترمهم وهم يقدروني المهم حصل لي كم موقف هاليومين ودي اعرف انا غلط اوصح ودي اعدل اوضاعي وابغى نصيحتكم
ياطويلات العمر زوجي عنده ولدين وبنت اصغرهم البنت في المرحله الثانويه والكبير موظف وخطبت له قبل فتره وتزوج والحمدلله عايش معنا في البيت المهم ان زوجي قبل كم يوم كنا على العشاء وكنا نمزح ونضحك ونعلق على كلام ديرتهم ترا انا من ديره غير ديرتهم المهم زوجي متعود على هالشي ودائما يسمعني ويضحك على المهم قالي واحنا على السفره اقول اسكتي وكلي وانتي ساكته انا انصدمت وطالعت بعيون بنته وزوجة ولده كلهم حسيت انهم انحرجو من كلمته المهم انا سكت وما رديت كملت عشاي وانا بحاله ما يعلم بها الا الله قعدت بعدها كم يوم وانا زعلانه على اهانته لي وتسكيته لي ولا جاب خبر المهم بعد ثلاث ايام جيت اناقشه ليش سويت كذا قالي انتي حساسه وكل شي تحطينه على بالك فوتها وقلت يابنت لاتخلينهم ينتبهون انك زعلانه وعديت الموضوع اليوم كنت عند اهلي وزوجة ولده نفس الشي رايحه لاهلها المهم جا ولد زوجي ياخذنا مع بعض بحكم ان بيت اهلي واهلها قريبه من بعض وبعيده عن بيتنا يوفر على ابوه مشوار العنوه ما قصر الله يجزاه خير المهم واحنا في الطريق سالته وش تعشيتو انت وابوك قالي مانيب معلمك يمزح المهم انا اخذتني اللقافه واتصلت على ابوه وقلت له وش تعشيتو لانه ما علمني وعلم زوجته كل هذا واحنا نضحك ونمزح قالي زوجي تعشينا كذا وكذا من مطعم كذا قمت سكرت وقلت اني عرفت كان ولد زوجي يضحك ويقول وش قال لك لما قلته قعد يضحك هو وزوجته بصوت عالي ويقولي ياليت ياخالتي بها الدنيا عشر مثلك كان احنا بخير اجرحتني الكلمه حسيت بشي جرحني قلت ليش قال لا رحنا للمطعم هذا ولا اكلنا منه صار زوجي يكذب علي انا خلاص الدنيا صارت تدور فيني ليه كذا يكذب علي حتى لو كان مزح احس فيها اهانه لي لما رجعنا للبيت قلت له ليش فشلتني وجرحتني قالي انتي حساسه وما تعرفين المزح بالله عليكم لو كنتو مكاني ما تزعلون من طريقته ترا مواقف كثيره صايره مايبي ازعل منها اقل شي لما قاله ولده ود خالتي للمطعم تعشو انت واياها ضحك وقال اوديه مطعم مثلوثه حسيت اني ولا شي عندهم معقوله فيه زوجه ترضى تسمع زي كذا من زوجها قدام اعياله الي ما هم اعيالها وتضحك وتفوت هل انا حساسه بزياده مثل ما يقولون لي هو واعياله ودي احد يبرد خاطري ويقولي انتي على حق
واسفه اذا كنت طولت عليكم

يلزم عليك تسجيل الدخول أولًا لكتابة تعليق.

تسجيل دخول

دلـــوعه ~ • 14 سنة

لاحبيبتي واااااااااااضح انك حساسه وبقوه والكلمه تقلب مودك فوق تحت :(
وسعي صدرك حبيبتي ولايسر اي شي يعكرك ,,
وبالعكس لاتقلبي الموقف عليك لاشفتيهم مزحو وتفشلتي اضحكي ولاكانو شي سار :) << مشيها يعني ,,
على قول امي ربي يخليها اللي بتتحسس على اي كلمه ماتعيييييييييش : ) :26:

جار زماني علي • 14 سنة

انتي مثلي حساسه علشان كذا دائم افكر واجمع واطرح

قسم بالله تعب في تعب الله يشفينا اثنينا

(وطن) • 14 سنة

حبيبتي والله انهم عيلة حبابين وخفيفين دم
ليش مزعلة حالك الموضوع ما بستاهل
الحمدلله انكم متفاهمين وحبايب وما عندكم مشاكل
وهاي كلها شغلات بسيطة لا تستدعي الزعل
ليش بتفكري هيك..بنصحك تعيشي حياتك معهم متل ما هي لانهم بجد وجودهم نادر هالايام
وربنا يوفقك ويسعدك ويبعد عنك الحزن والهم

غرررشة عطررر • 14 سنة

اشكرك اخت دلوعه على وقتك ونصيحتك

بس ما تحسينها صعبه شوي تفوتي وتطنشي

ودي والله واتمنى اصير كذا بس عجزت

غرررشة عطررر • 14 سنة

تصدقون يابنات والله الي طلع هالقسم انه مأجور ان شاءالله

حسيت اني فعلا مكبره الموضوع الله يجزاكم خير كلكم