معقول الموت صحى ضميره مع ابني

السلام عليكم
الاحداث الجديدة لي صارت مع ابني وطليقي
هي انه قبل فترة شهر توفى ٢ من ابناء اعمام طليقي بحادث سيارة
عزيته وعزيت خالتي وبنات خالتي وقمت بواجبي معاهم
بعد خمس ايام سافر هو وابني واخته وبناته فقط ل جدة مدة ٣ ايام حتى بدون مايعلمني ان الولد رايح معاهم
راسلت ابني على جواله يقولي ابوي سافر فينا وراسلت طليقي مارد علي
بس رسلي صورة ابني مع اخواته قاعدين بالبحر كأنه يطمني عليه وسكر بوجهي
وبسناباته مصور هو وابني منسدحين جنب بعض وبالموت الولد كلمني من هناك ويوم رجع زارني على طوول في بيت اهلي
لي ملاحظة فيه ان الولد متغير كليا اتجاه ابوه مو راضي يسمع عنه حرف حتى موضوع ابغى اجي وابغى اسكن عندك قفله نهائيا مع انه من قبل هذي الاحداث هددني اني ارفع قضية عشان حضانته ولا ينتحر او يشرد مني ومن ابوه والحين غير كلامه ماقام يشتكي لي من شي لا جدته ولا عماته ولا زوجة ابوه ولا ابوه والولد شكله متغير تماما مبين انه فيه احد مهتم فيه وبصحته
ملابس جديدة وانيقة ووجهه مشرق ومبتسم مو مثل اول شاحب وعلى طول مكتئب بسبب العذاب النفسي لي كان يتعرض له
لا الحين كل يومين او ثلاثة ايام لازارني يضحك ومبتسم
مع انه الحين ساكن عند جدته وجده جنب بيت ابوه بس مدري من وين اهتمام ابوه جاه فيه
حتى قبل اسبوع ناشر صورة على الانستغرام لعياله ومن ضمنهم ابني ومعرف عليه بكلمة ولي العهد بما انه ابنه الكبير
الولد جاني امس على نفس الشي قضى عندي اليوم ورجع ل ابوه يوم كلمته اسأله عن تعامل ابوه مافي غير يمدح ان ابوه يعطيه فلوس وان ابوه يتابعه بدراسته عشان الاختبارات
الشي لي مومصدقته انه مو معقول تنقلب معاملة جدته وابوه معاه بين يوم وليلة كذا ومن قبل كانو بيخلوه يتعالج نفسيا من كثر ماتعبوه وتعبوني عشان يطفو نار الحقد حقهم
معقول ياجماعة ان الواحد ينقلب كذا ويصحى ضميره ولا يخطط او يطبخ على شي
مع اني انا رحت مع اختي للمحكمة وسألنا محامي عن قضية حضانة وقال لنا ان الولد الحين ممكن يجيبه الشيخ ويخيره بين ابوه وامه ومايحكم لي بحضانته خصوصا اني متزوجة وحامل من زوجي
مع هذا التغيير تراجعت قمت اخاف ان الولد يختار ابوه بعد تغير المعاملة معاه ويتركني وخصوصا انه ماقام يراسلني واتس الا نادرا مع انه من قبل ليل نهار وهو يراسل لي ويتشكى