معقول بنات الناس لعبه كذا؟

اخواتي العزيزات

لقد طرحت مشكلتي من بدايتها و اليوم انقلبت الموازين

تزوجت مند 3 اشهر و اكتشفت خبث و دنائه زوجي معي منذ اليوم الاول لزواجنا
المهم الحين هو حطني عند اهلي لفترة الين ما يرجع من سفره و قبل كم ساعه قعدت اتصفح رسايله و ايميلاته الي كان يبعتها و اخدت واحد منهم و بعتله قلتله وين هدا الرجال ما اقدر اعمل اي مقارنه بينه و بين الشخص الي يقسي علي الحين فا ردلي انا اصلا ما ابغاكي خلاص يا ناس يرضي من هدا؟ ما يرضي الله وما يرضي احد يعني مالي 3 شهور متزوجه و استحملت منه كل شيء و اخر المطاف هدا هو الجزاء حسبي الله فيه ونعم الوكيل الحين تنصحوني بشنو ؟ هل اسكت وما اردله على رسالته الين ما يجي اخلي الوالد يتصل عليه و يقله ابغى اكلمك و يفصل كل شيء خصوصا اني الحين حامل بالشهر الثاني بس ابغاه يلتزملي في بيت و مصروف شهري للبايبي الي جاي اما عني و حقي فا عوضي على الله ما ابغى منه شيء ولولا الطفل ما كنت طلبت منه شيء و كنت قلتله ننفصل بكل هدوء صرت اكرهه من كل قلبي حطم حياتي وما خلاني اتهنى ولا بيوم ادعولي الله يفرج همي و هم كل مهموم يا ارحم الراحمين
و ابغاكم تنصحوني اخواتي كيف اتصرف ما ابغى اهلي يدخلون وياه بمشاكل عشان ما اطلع خسرانه ابغى الموضوع ينتهي بسلام شوروا علي بايش اتصرف؟