معقول كاهنه

‏سلام عليكم
مساء الخير
‏بنات في خدامة اندونيسية مشتركه معها بشركة ودائم تجيني كل أسبوع مرتين مرة كذا تشتغل عندي .. ف أنا عندي مشكله بالظهر فخليها تدلك ظهري
ف ‏كنت أسمعها وهي تدلك ظهري تقول كلام بس مو مفهوم ما ادري وش تقول ما ادري تقرا قران او شي ثاني او دعاء ع قولتها
‏المهم اليوم جتني فلما دلكت لي ظهري قالت تدرين يا مدام إني امس مسجت ثنتين من صديقاتي كل اللي فيهن كان جن ما هو شي ثاني ‏ .. نهبلت أنا قلت كيف ‏تعرفين انه جن وانتي تعالجين من الجن .. قالت ايه أصلا أنا أشوفهم عندنا بالمكتب كثير اشوف الجن دايم يطلعون قلت أنت ما تخافين منهم قالت لا ما اخاف عادي قلت طيب ما تشوفين عندنا بيتنا جن ولا شي لان العيال يشتكون يقولون نشوف شي قالت لا ما في شي قلت طيب فيه سحر عندنا لانه قد قال لي شيخ فيه قالت علشان اعرف فيه سحر لازم اسوي كذا بيدي بعدين اعرف تسوي حركه بيدها المهم سوتها وقالت مافيه
تقولي دايم اذا جيت بيتك اناظر فيه شي او لا
المهم وسألتني انتو بتبنون بيت جديد طبعا دايم يطري زوجي انه بيبني وانا رافضه بس ما ادري كيف عرفت سوالف بيننا ..
قلت كيف عرفتي سكتت وضحكت وبسم الله تناظر عيونها كانها عيون بس ومشت
عاد كنت ناويه اخذها شهر عاجبني شغلها
المهم بنات كل كلامها بكوم واني اخل بعقيدتي كوم ثاني خايفه انها كاهنه وانا سألتها وصدقتها وحتى لو ماصدقتها علي ذنب صح
يالله مدري كيف انسقت معها وسألتها بس يمكن من الصدمه ياربي لا تواخذني وتغفر لي
بنات وش رايكم نفسي عندي اندونسيه ثقه واسألها عن هالاندونسيات وعن كلام ذي وش معناته وهي صادقه ولا تكذب علي .