معكرونة لذيذه قريبة لباستا يم يم تري

بصراحة أول مرة اجربها البارحة لكن لاقت أستحسان الجميع وقضوا عليها بالمرة قلت ماببخل على حبايبي في هالمنتدى الغالي .

المقادير :
كيس ونصف مكرونه شرائط او أي نوع تحبين مسلوقة بماء وملح ماجي وشوي زيت
كيس سجق مقطع دوائر حسب الرغبة
علبة مشروم مقطع شرائح أنا حطيت مشروم طازج
بقدونس مفروم صغير جداً مقدار صحن كامل
فص ماجي
علبة ونص معجون طماطم
علبة كبيرة كريمة خفق
علبه حليب سائل قليل الدسم عشان نخفف من كريمة الخفق وماتصير غليظة وايد ولاحظوا اني حطيت قليل الدسم لأن الكريمة ماشاء الله دسمة وأحنا موقاصرين.
جبن موزيريلا حسب الرغبة
ملح
البهارات: (ملعقة فلفل اسود + ملعقتين شاي دقوس اللي نحطة مع العيش + فلفل أحمر مطحون حسب الرغبة +شوي بابريكا هذي ضفتها من عندي وشوي زعتر بري هذي بعد من إضافاتي الخاصة يعني أهي مو في الطريقة الأصلية)
في الخلاط:
2بصل
4فصوص ثوم
فلفل بارد
فلفل حار حسب الرغبة

الطريقة :
نحط جدر على النار ونضيف زيت ونخليه يسخن ثم نضيف عليه الخلطة اللي حطينها في الخلاط طبعا بعد ماخلطناه في الخلاط ونتركها على النار حتى تذبل ويبتدي يصير لونها شوي ذهبي .
نضيف السجق ونقلب ثم نضيف المشروم وفص الماجي ونقلب الخليط .
نضيف علية البهارات اللي ذكرناه فوق ومعجون الطماطم ونقلب لمدة 3-5 دقائق وماننسى الملح طبعا وبعدين نحط البقدونس المفروم.
نصب كريمة الخفق كاملة والحليب على الخليط ونتركها حتى بداية الغليان وناخذ المكرونة ونحطها على الخليط ونقلب فيها حتى تنخلط كامل وتبتدي تتشرب الكريمة ونضيف جبن الموزيريلا ونقلب ولاتخلينها وايد على النار عشان ماتنشف وحلاتها فيها صلصة شوي ويفضل تسكرين عليها وتقدمينها على طول لأن أذا تمت فترة بعدين تنشف انا جهزت المكرونة وجهزت الخلطة قبل بفترة وقبل التقديم شغلت على الخلطة خليتها تسخن وبعدين حطيت فوقها المكرونة وقدمتها على طول .