معناااتي قبل الولادة وانتهت بالولادة الميسرة الحمد الله والشكر

بسم الله الرحمن الرحيم

الحمد الله والشكر ولدت يوم الأربعاء اللي فات وجبت ولد يدنن ماشاءالله

قصتي طويييييلة وكانت رحلة عذاب نفسي لأني تنومت قبل الولادة بحوالي أسبوع وكل يوم يقولون اليوم بتولدين

بدايتها

عطوني موعد تنويم ورحت وبعد ماخلصت الأجرائات والتحاليل عطوني اول تحميلة علشان تلين الرحم وتفتحة وبعدة بـ 8 ساعات التحميله ماسوت شي عطوني وحدة ثانية وركبولي جهاز التخطيط بعدها ضعف قلب الطفل وانهبلوا قالو امشي لآن مانقدر نعطيك تحميلة ثالثة وامشي وامشي وامشي ماتتخيلون والله ما انام الا يمكن ساعة او ساعتين وما انسدح الا لتخطيط ومافي اي بوادر طلق والطفل مانزل للحوض والرحم مفتوح 2 بس

والله يابنات ماتخيلون كيف مشيت وتسلخت فخوذي من المشي واكل تمر واسوي قرفصاء واقرا ورد واولادة ومافي اي شي وكان كل دعاي ياربي تعسرت معي قبل الولادة يسرها لي بالولادة وسخرلي الدكتورة والممرضة ياكريم ياقادر على كل شي :icon33: واستغفر طول الوقت لساني مايوقف

والحريم اللي معي بغرفة الطلق الصناعي ماشاءالله من اول او ثاني تحميلة يروحون غرفة الولادة وانا اتفرج

يوم صار لي خامس يوم وانا اللي انهااااااااااااااااار خلاص مليت ابي اطلع او ابي عملية وكنت اصيح صياح البزران :icon33: والممرضة تهدي والدكتورة جت تقولي اصبري علشان النونو يصير بخير وانا اقول مااااابية خلاص خلوة يموت بس خلصوني قالت امشي قلت مابي امشي طلعوني ومتى ماجاء الطلق جيت وانا اشاهق هئ هئ قالت الموية وشششش
نزلت الموية وانا افرح قلت للممرضة موية موية والدنيا تصبصب قالت خلاص ابنادي الدكتورة وجت قالت ليتك باكية من زمان عشان تنزل الموية :)

وعلطول رحت غرفة الولادة ومعي الدكتورة وتاخذني ممرضة عجوز شوي من شكلها ارتحت لها وجاني طبيب التخدير قال تبين ابرة الظهر قلت نو وييي وطلع قال متى مابغيتها نعطيك
وركبت الممرضةالمغذيات والطلق الصناعي مابدا مفعولها الا بعد ساعتين
واقول للمرضة ابي الأكسجين تقول موب الحين قلت ايةبس اشوفة قدامي عشان ارتاح وجابتة ياقلبي وكانت مرة حنونة وابلشتها كل شوي اقولها فكي التخطيط ابروح للحمام وماتقول شي ياقلبي وبدا الطلق وحار و ورا بعض بس الحمد الله كنت اخذ البخار مع كل طلق وكنت اناااام واحلم واشوف ازوال تروح تجي كأني معالم ثاني :23:

يوم قرب يطلع النونو وكنت مو بوععيي اقول للممرضة ابي اقوم ابروح فكي التخطيط تقول نوووو نووو بووووش بوشش واننا اقول لا موب الحين ابي اقوم ابي الحمام :confused:

جت الدكتورة ياحبيلة قال لا يامي ادفعي الراس قرب وةانا ملزمة لا مو الحين ابقوم وهم الي يمسكوني ويفتحون رجولي ويالاااا بوووش بوووش وانا ادفع وادفع والحمد الله يطلع باسل على الدنيا يادلبة :baby2:

وانا غطيت بنوووووم عميق وصحيت بعدة بشوي قالت جبتي ولد قلت ماسمعت صياحة قالت الا بس انتي نمتي :blink:

وجابوة لي ياقلبوة يشبة اخوة نسخة سبحان الله :39:

والحمد الله تعسرت معي قبل الولادة لكن كانت الولادة ميسرة ولله الحمد والله سخرلي الدكتورة وتعاملة مرة رائع

بنات لا تستهينون بالدعاء والأستغفار وحتى لو ماتحقق الي تبونة تأكدوا انة بيفيدك بشي ثاني يابي لك الحمد والشكر

وشي ثاني المشي لا تفكرون انه يعجل بالولادة بالعكس مالة الا يومة بس المشي يساعد على الولادة ويقوي عضلات الفخوذ

والمحراضات لا تقربونة انا قبل الولادة شربت كف مريم وقرفة وتمر وماء زمزم والحلتيت وماسوت لي شي يمكن تفيد للي بادي فية الطق

وهي حكاية ولادتي والله يهون على الجميع ويرزقهم الولادة السهلة الميسرة بأذن الله ويرزق كل محرومة