بسم الله الرحمن الرجيم
كيفكم بنات و مشرفات يارب بخير و مبارك علينا العشر الله يسهل لنا نكون من قيامها و صوامها
يا حلوات موضوعي عن السكن مع الحموله اذا في خيار اخر بديل عنه
هل انتي مع او ضد هذا الشي
لاني اقرا الكثيرات يحذرون
بالبداية خلونا نعرف وش يعني السكن مع الحموله
هل هو مشاركتهم بغرفه معهم ؟
بجناح معهم بس مو منفصل؟
بدور علوي منفصل عنهم؟
هل السكن بالدور العلوي يعتبر مع الحموله بالمعنى السلبي
خلو الايجابيات احنا نبي نركز على السلبيات نبي نناقش المخاطر
هل فعلا يتسبب بمشاكل و طلاقات و تدخلات من الاهل الله يسامحهم
هل الغيره بتزيد من الاخوات و الام اذا شافو ولدهم مهتم بزوجته ولا مثل ما يقولون طاير فيها
مدري اذا هي زينه و مريحته اذا ما طار فيها باول الزواج متى بيطير و يعيش هالمرحله؟
المهم الي جربت و عانت الله يخليها تحذرنا احنا البنات
لاني لاحظت كل الي تزوجو و عاشو مع الحموله شافو الويل
ابي واحده مرتاحه و مدلله قليل
و النعم بالناس و بالعوايل لكن الناس ما عادت مثل قبل
مدري وش الي تغير النفوس ولا المصالح ولا الحاجات ولا نمط الحياة نفسه تغير
لكن الصراحه ابوي شرط بعقد اختي قال سكن مستقل عشان لا تاذيها الحموله
هل البنت تصير طوفه هبيطه لهم و يكسرونها بالمعنى الغير مباشر للكلمة
يعني ابي افهم هي وزوجها ساكنين الدور العلوي و اكلهم لحاله مثلا وش الخطر الي ممكن يجيها منهم؟
يتحكمون بروحاتهم و جياتهم ينكدون عليها ؟
هل بتصير مقارنات باللبس بينها و بين بناتهم و كناينهم و تصير حزازيات ؟
عطونا امثله و مخاطر اكثر
لان مكان السكن من اهم حقوق البنت و لازم نعرف الي يضرنا و الي ينفعنا
و بارك الله فيكم مقدما
شاهه2 @shahh2
محررة
يلزم عليك تسجيل الدخول أولًا لكتابة تعليق.
ابعد عن حبيبك يحبك حتى لوكانو طيبين لازم تعليقات وتدخلات مالها داعي يارب انقل بيت وحدي في القريب العاجل
toto4
•
نفس رد ام شذي وعلي المره حلو انه يكون لها مملكتها الخاصه وتربي عياليها علي كيفها وتاخذ راحتها بعد لاني انا عايشه مع اهل زوجي هم حليوين بس بعد البيت اريح لي
اول شي الناس مو مثل بعض و الزوجات صارو مو مثل بعض يعني الزوجه االلي تحترم نفسه وتلقى حموله تحتمه وتقدرها بتعيش بسلام لكن الموت اذا الزوجه احترمتهم وقدرتهم ولقت العكس هذا اللي يغث وهذي معاناتي مع اهل زوجي احترمتهم وسويت لهم كل اللي يبونها مع ذالك لقيت العكس تمام ولا والزوج اهم شي عنده رضاء اهله حتى لو كانو غلطانين عليك هذولي اهلي مشيه عادي لكن ماحسيت اني متزوجه الا يوم طلعت بيت الحالي حسيت بلحريه وانا مو ضد الحموله لاوالله كان ودي بخاله تحبني وتقدرني كان ياسلام بس القدر كذا والوحده اهم شي تشوف لنفسه بعدين ولمه مع زوجات اولاده وسلام
الصفحة الأخيرة
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..