مغبووونه على زوجي !

السلام عليكم..
زوجي ظروفه صعبه خصوصا اننا طالعين من زواج وما عنده سياره قرر يشتري سياره لان وضعنا ما ينطاق بدون سياره طبعا باع سيارته ايام الزواج وذحين نقصه مبلغ تقريبا ١٠ الف المهم قلي انا بتجيني فلوس خلال اسبوعين بس السياره اللي ابغاها اخاف تروح عليا فقلي اش رايك اتسلف من اخوانك بس انتي كلمي امك لو تقدر تكلم اخوك وتشوف كيف وضعه وانا الغبيه قلتله لا خليها منك احسن وهوا كلمهم وطبعا اعتذر اخويا ان ظروفهم صعبه ذي اليومين وزوجي ذحين متنكد ومعصب ويقلي كله منك لو جسيتي نبض امك ما كان احرجت نفسي واحرجتهم وجلس يقول ياليتني ما كلمتهم وقعدت اقول لا تبالغ خلاص وان شاءالله ربي بيرزقك..وانا ذحين الصراحه ندمانه ومقهوره عليه صح اهلي لو عندهم كان عطوه سلف بس احس انا الغلطانه المفروض انا تصرفت مع امي وما خليته يحرج نفسه ولا اش رايكم ؟ وكيف اصبره بهذي الظروف جدًا كارهة نفسي وصعبان عليا وضعه والله نفسيتي زفت دوبي قعدت ابكي احس بقهر وضغط نفسي ومو عارفه اش اسوي ولا كيف اواسيه ادعولنا ربي يفرجها جد وضعنا صعبببب .