مغص مشابه للولاده بس بالشهر الاول

طالما حمد لله مافيه دم توكلي على الله وادعي الله يكتب لك الي فيه الخير ويثبته لك
احيان مغص من توسع الرحم
اذا معاك المثبت خذيه وحاولي تنامي وترفعي رجلك ولاتجهدي نفسك

حبيبتي روحي الدكتوره تكتب لك مثبت يمكن تقلصات بالرحم المثبت يقلل منها

عادي الالم زي الدوره تبع تمدد الرحم
والان مايبين بالسونار
افضل حل تراجعي طبيبه ثم تعيدي تحليل هرمون الحم

مرحبا فيك .

مغص مثل مغص الدوره او اقوى شوي ولا مغص الولادة والطلق؟

فيه فرق بين الاثنين .

انا بحملي الاول والثاني يجيني مغص الدوره ويجلس معي للشهر الرابع ويختفي لين يرجع مره ثانيه بالسابع او الثامن يسمونه طلق كاذب او تفاريع ،،استعدادا للولاده الحقيقية .

الثالث سقطته وجلست سنه ثم حملت .


بحملي الرابع يجيني طلق الولاده .. متخيله الاسبوع السادس وجالسه اطلق بالبيت ؟

اتقطع من الوجع وحراره الطلق والخوف ويستمر معي كم ساعه .. ما ادري بعد الطلقه هذي ابسقط ولا وش قاعد يصير لاني احس بشي يبي يطلع مني مثل الكيس او الكوره .

رحت للطبيبات اللي عليهم المدح والطواري وفحصني استشاري رجال وكلهم مايدرون وش السبب ،، لكن في فحص اشعتهم يقولون معك في داخل كيس الجنين كتله دمويه .

يمكن هي السبب في ثقل وزن الكيس او الرحم يحاول يتخلص منها ومو متاكدين بعد من هالكلام ..عطوني مثبتات وطلبو مني الراحه ومافي يدهم شي لان الرحم الحمدلله مقفل .

احسن لك تابعي مع الطبيبه لو ماخف الالم يمكن تطلب منك فقط استخدام البندول والراحه والابتعاد عن الجماع او المثبت لو معك دم .. اما لو معك فعلا طلق كحالتي للاسف محد بيده شي ولازم تلزمي الراحه فقط وارفعي رجليك وانتي ممدده.

وايضا احيانا الم الجنوب مع الظهر دليل قوي على التهاب البول ومغص كلوي .. اشربي بيرة وشوفي هل بيهدا ام لا .

اذا هدا ففعلا منه واستمري بالشرب او خذي مضاد خاص تعطيك اياه الطبيبه بعد ماتفحصك عن التهاب البول .

الله يسهل عليك .

هذا اول حمل لك او عندك اطفال من قبل