السلام عليكم:27:جايبتلكم اليوم مقتطفات من طفولتي مع اعز الناس بابا:04:
وكيف اثر فيني وانا طفله بنصايحه وتوجيهه لي الحمدالله
مو بس وانا طفله كمان كبرت وانا على هذا الشي الحمدالله والشكر يارب اللي رزقتني باب
حنون ويخاف علي
المهم
يوم كنت صغيره بابا كان يعطيني مطويات صغيره جدا لاكن الكلام اللي فيها مهم جدا
مره من المرات كنت اتصفح هاذي المطويه اللي اهداها ليا بابا
وقرات حديث يقول من كان اخر كلامه لاله الا الله دخل الجنه>>
كيف فكرت اختكم>>>انه اذا قلت اي سالفه او اي كلمه اقول
لاله الا الله عشان ادخل الجنه
ولاكن بمعنى الحديث ان اللي يموت وكانت اخر كلمه دخل الجنه
فصرت على طول ارددها فهمت الحديث غلط بس استفدت كثير توي فهمت الحديث يوم كبرت :time:
ابوي كان كل يوم وبعد صلاه المغرب يجمعنا انا واخواني ويرشدنا ويحذرنا من رفقاء السوءوكيف الدنيا ماتسوى جناح بعوضه لين اكتسبت من كلامه
القنااااااااااااااعه والقناعه مو شي بسيط القناعه كنز لايفنى
بابا كان لما نخطي او نسوي شي غلط ابدا ابدا ماذكر قد مد يده عليا لانا ولا اخواتي كان ياخذني في غرفه ويبدا يسردلي
قصص من عهد الصحابه كيف كانو يخطؤون يعني مو بس انا اخطي بس كانو ياخذون درس وما عاد يقربون الشي اللي ياذيهم
او ياذي حدمن اللي حولهم:06:
يعني مو تاخذين عيالك بالضرب
تفاهمي معاهم لين يقتنعون ان الشي هذا غلط
برضو اقلكم حكايه عني كان عندي زميله بمرحله الابتدائي كانت دايم معها واحبها موووووت عاد تعرفون واحنا صغار اذا شفنا احد يهتم فينا ويسولف معنا نحبه بجنووون كنت اثق بها الصديقه ثقه عمياء
كان اي شي ينسرق علي اتهم السودانيه اللي وراي مسكينه كل شي براسها الله يسامحني :hahaha:
بس في مره انسرقت علي مقلميه
جديده وعاجبتني وما غيرني طول اليوم اتمدح فيها اخر الدوام انسرقت مالقيتها جن جنوني وبكيت :06::06:
رحت البيت وحكيت لبابا اقلت السودانيه سرقتني:D
قال ابوي وش دراك انها هي
قلت اكيد هي جالسه وراي ودايما
تمدح اغراضي قالي بابا طيب ليش ماتكون اللي جنبك سرقتها
تدرون منهي اللي جنبي صديقتي اللي احبها قلت لااااااااااا لاااااااااا
مستحيل هيا اخذتها قالي بابا يابنتي قال الرسول صلى الله عليه وسلم ياتي زمن لايؤتمن المرء جليسه شوفي صاحبتك هذي راقبيها وراقبتها وفعلا اكتشفت
ان كل شي راح علي هي اخذته الله يعوضني ويسامحها
لان بابا قالي المسامح كريم الله يسامحها:27: والى يومكم هذا معدت صرت اثق في حد لان زمننا يتطلب كذاولو اقصلكم ماراح اخلص الا بكره بس هاذي بعض ذكرياتي مع تاج راسي
الله يجعله ذخر لنا يارب
فالهدف من طرح موضوعي انكم
تعاملون عيالكم بالحسنى
وتنصحونهم حدهم صغار لانها بترسخ في بالهم ومارح ينسونها لين يموتون الله يطول باعمارهم
وغير كذا ادعو لبابا الله يحفظه لنا واجعل يومي قبل يومه يارب
وسلااااااااااااااااام
ليالي123 @lyaly123
محررة برونزية
يلزم عليك تسجيل الدخول أولًا لكتابة تعليق.
Les
•
الله يحفظ والدك ويعطيه الصحة والعافية .. التربية الصحيحة هي يلي بنفقده في اباء هالايام .. الله يجزيه عنكم خير ..
الصفحة الأخيرة