مقهوره على صورتي

صباح الخير
بنات أنا ماتصورت يوم فرحي إلا ثلاث صور وعاد من زين التصوير فوري
أهم شئ أنا جبت خدامه ترمي كل شئ بلا مبالا ه وأنا ماأدري طبعا ماكملت شهر عندي
والبارح أدور صوري مالقيت إلا ثنتين والثالثه وين؟؟!!
أسئل الخدامه تقول ماأدري مافي شوف أنا إلا إثنين
ودورنا البيت كله ماخليت مكان والصوورره
خلاص إختفت!!
أنا صارلي شهر ماشفت الصوره وفي هالشهر محد زارني أبدا عشان أشك
وقلت لنفسي حرام أظلم الخدامه إلا وانا أشرب مويه في المطبخ وأطالع الزباله
تتوقعون إيش شفت شفت فير آند لفلي مليان وكرت التطعيمات حق بنتي وصوره زوجي رمتها بلا مبالاه
الشي هذا خلاني أتأكد إن صورتي راحت الزباله!!
واللي قاهرني إنها أحلى صوره فيها ذيك الأبتسامه البريئه الي تفتح النفس أيامها كان عمري
واللي مخوفني إن أحد يلقاها ويسويلي مشكله
والخدامه ماني طايقتها على سواتها
وخايفه تكون رمت شئ ثاني "الله أعلم"
تكفون ردوا قولولي إيش أسوي ؟؟!!