مقهوره من نفسي وعلى نفسي

هاي بنات
مقهوره من نفسي طبعا انا منفصله بس الي يقهر شيطاني شاطر بس يذكرني بطليقي خلاص بنساه بنساه كرهت نفسي انا مو من النوع الي يوقف حياته على شخص عشان كذا متنرفزه من نفسي شلون للحين ماتخطيته من داخلي يمكن لاني كابرت جدا وبينت نفسي مبسوطه ومو هامني اول الانفصال الحين مرت سنوات وبحكم انه من نفس المنطقه دايم نسمع اخبارهم وخاصه ان تزوج الان انا مايهمني هو مقهوره من نفسي ليش للحين يخطر ع بالي ليش مانسيته وهو عايش حياته ومبسوط
وانا كل مااتذكر انه طلقني برغبه منه بسب ظروف صحيه تتعلق فيه بس انقهرت يعني هو الي طلقني وهو الي مريض وهذاهو تزوج
وانا الي صار لقبي مطلقه وانا صغيره واتوقع اني لساتي بكر بس ماعلمت الا اهلي لان مو متاكده لان ماصار بينا لقاء الا مره وهو عنده ضعف اوعجز
بس احس دخل حياتي ودمرني عطاني لقب بمجتمع مايرحم وياليتني سويت شي يستاهل هذا لا والله مو مدح بنفسي بس كنت خلوقه جدا عمري مااحرجته او حسسته بنقص حتى بعد الانفصال ماقلت انه عاجز او مريض لان مابي الناس يحسبوني تركته عشان كذا وبنفس الوقت انا جدا حساسه من هذي النقطه مااحب احد يتكلم عني اني بنت او ثيب لان مااتحمل احد يجيب هالمواضيع لانه شي خاص حتى مدري ليش كتبت لكم بس بفضفض
بس هو عشانه رجال راح وعاش حياته
وانا لا
المشكله ان الي خذاها بيتهم حولنا يعني كل مااجزم انساه الا يجيبون طاريه