مقهوره وخانقتني العبره

صباح الخير ع الجميع

والله يبنات مقهوره لدرجه باابكي
اخوي اللي اصغر مني تخرج الترم الاول وفرحنا فيها اول واحد من اخواني يتخرج من الكليه ماشالله جايب معدل مره حلو
فرحت امي وابوي فيه ماتوصف بعد ماتخرج خطبو له على طول ...
بعدها اجتاز اختبار القياس وكمان درجته مره حلوه
اهلي كانو مصرين على الملكه واهل العروسه كمان لاكن هو رفض كان مقرر بعد مايتوظف ويكون نفسه يملك...
اليوم دخل يجدد بيناته بجداره من بعد الفطور وهو يكلم اصحابه اختار هذا لا غلط هذي الخانه ويتخاصم هو وياهم قبل اذان الفجر جاء عندي قال انا طفشت هذي خامس مره اعدل بيناتي
واحد يقول اختار كذا واحد يقول اختار كذا وانا مومتاكد
قررت اني اساعده لما كتشفنا ان تخصصه احتياج صفر مو طالبينه بالمفاضله :024:
هو تخصصه لغه عربيه كليه اعداد معلمين توجيهه يكون ابتدائي اللي يدخلون المفاضله الجامعيين فقط توجيهمم يكون متوسط وثانوي
شفتو القهر

اكتشفت بعدها حتى قسم الحاسب صفر لاحول ولا قوة الا بالله معقوله ولا مدرسه بالسعوديه طالبه معلم اقل شي واحد
وش هالظلم ليه ما وقفو الدراسه بهالكليات دام مايبون الا جامعيين
المشكله راسلنا المتحدث الرسمي للخدمه المدنيه لاكن لاحياة لمن تنادي

انا عاطله وانتظر الوظيفه لاكن مانقهرت زي ما انقهرت ع مستقبل اخوي يالله كل احلامه تلاشت كان يقول اول ما اتعين بااعيش بالمدينه عشان كل يوم اروح المسجد النبوي انا وامي الله المستعان



حسبي الله ونعم الوكيل

تكفون ادعو له