مقهوووره منها وماقدرت انام الله يسعدكم اتفضلوا

السلام عليكم ورحمه الله وبركاته


بنات ابغى مساعدتكم وايش رايكم


اليوم زوجه صاحب زوجي عزمتنا عشا وانا ماشيه اعطتني كيس وقالت لبنتي المهم روحت البيت وانصدمت وانقهرت وزوجي عصب عليا ايش تتوقعوا بالكيس


تخيلو ملابس بنتها اللي ماعاد يجو عليها


تخيلو يابنات اقسم بالله انها وسخه ومهريه والله حتى لاختي اللي من امي وابوي بستحي اعطيها هما


المهم بعد الصدمه ماقدرت اسكت رسلت لها ع الواتس الملابس اللي جبتيهم بوديهم المسجد مع ملابس بنتي جدد والله مالبستهم ولا لبسه وماعاد يجو عليها


فعلا يابنات والله حتى للمسجد استحي ارسلهم ما ارسل الا جدد


قامت تكتبلي ايوه وديهم زوجي كسلان ومافضي يوديهم


قلتلها بس لو كنتي غسلتيهم عشان الاجر


قاهرتني يابنات الله يسعدكم كيف اسوي مع ذي الادميه مع العلم اني كلمتها وقت العشا اني رحت السوق واخدت لبنتي ملابس وووو


كيف اردلها هيا المهم انو زوجي زعلان مني يقولي ليش اخديهم وانا والله ما ادري ع نياتي


بنات والله نفسيتي تعبانه وانا عارفه انو بيجيني هجوووم زي دايما لاكن الله لايعطيها عافيه اللي بتجرحني واللي بتساعدني الله يجعلها من كل هم فرجا




وايش رايكم بتصرفي !!!