ملاك السعودية ،،،، الله يفرج همس وهمج :(

السلام عليكم ورحمة الله ،،،




بنات أنا مب قادرة أتحمل أكثر من كذا،، أنا أم طفلين بس من يوم قريت موضوع ملاك السعودية وأنا دموعي تصب،،، والله يابنات أنا ضايقة فيني الوسيعة، تخيلوا زوجي خائن، هذا اللي مخرب عليه وهذي الصفة اللي أكرهها في أي مخلوق، رسائل من وراي وللحين عايش على الأشعار اللي بالورق أيام زمان ويحتفظ فيهم وغير الرسالة اللي تجي ورسالة تروح،، طبعاً غير البلاك بيري والواتس اب والقائمة اللي عندها من البنات،،، عنده 4 جوالات وكلهم بأرقام سرية ودائما وياه ويطير لو رنوا أو سمع صوت المسج،،،




كذا مرة واجهته بس خلاص قاعدة أمشي حياتي معاه عادي وأقل عادي لأنه خان ربه قبل مايخوني والله إني أقدر أسوي أخس من اللي يسويه بس أما إنسانة أخاف من ربي وأعرف درب الشيطان، صادني إهمال من جانب الكلام الحلو والرسائل لأني اكتشفت من قبل الرسائل اللي كنت أطرشها له كان يطرشها حق بنات،،،، خلاص قلبي تسكر من ناحيته وهذا الكلام صار له أكثر من سنة قلبي مايطاوعني أرسله كلام حلو ،،،،




الصراحة حالياً ماقمت أفتش بس خلاص الكتاب ينعرف من عنوانه وأنا قلبي دليلي والله مرات أعرف الواحد من نظراته،،،، المضحك المبكي جاني يوم عرفة يقول ليش ضايفة ناس في آلانستجرام؟؟؟ قلت له هذيلا مثل ما أنت شايف مصورين وأطباء، أحب أستفيد من اللي يحطونه، راح قال لي انزين جيبي جوالج خليني أشوف قائمة 200 شخص ،،أنا هني انفجرت وقلت له جوالي انت عارف رقمه وتشوف متى بغيت لأني مو خائفة من شي ولله الحمد بس أنت جيب جوالك وخلني أشوف قائمة البنات اللي ضايفهم ،،،، والله ورب الكعبة يابنات إنه تلعثم ووجه قلب ألوان،، صحيح هو مايقصر معاي في أمور كثيرة بس شالفايدة لما تعرفين إن زوجج وشريك عمرج قاعد يخونج وهو جنبج، والله إني مرات أكون جنبه في السيارة وهو قاعد يراسل وأنا أشوف وأغض النظر ،،،، بس لين متى؟؟؟ تصدقون مرات هاجس أتطلق من هالسبب لكن ماأعرف رأي الشرع في هالأمر ؟؟؟  كل يوم أدعي إن ربي يهديه ويبعد عنه بنات الحرام ،،، لا حد تقول دلعيه ولا أعطي اهتمام خلاص الكيل طفح والله ،،