طبعا انا ابتديت في ملف تجمع بنات قطر بطلب من اختي العزيزه نونو وشموخ عنادي
ان شاء الله تستفيدون منها والله يقدرني اني افيدكم
الدرس الأول:
الخطوة رقم 1
اختاري اللون الغامج وحطيه بنفس الطريقه على العين ( على كورة العين ) ومن تحت بس لا تعرضينهمن تحت وايد
الخطوة رقم 2
حددي العين من فوق ومن تحت بالكحل السائل وداخل العين بكحل القلم
الخطوة رقم 3
اختاري لون افتح من درجة اللون الغامج اللي انتي اخترتيه وحاولي توزعينه على العين بتجاه الحاجب وحاول تدمجينه الخط اللي يكون بين الغامج والفاتج
الخطوة 4
اختاري اللون الأبيض او الصدفي او البيج اللي يكون فاتح جدا حطيه تحت خط الحاجب ومن تحت العين مثل الصورة
يالله جربوا وعطوني النتايج وتمي جربي على الطريقه هذي لين تتقنينها وجربيها على اكثر من لون
يعني كل مره جربي لونين واحد فاتح وثاني غامج
ممكن اخر شي تضيفين الماع البودره شوي تحطين في صبعج السبابه ومن ثم بضربات خفيفه على الجفن بس انه الماع يثبت
اخر شي امسحي بقطنه او اعواد الأذن بفازلين ومسحي على الحاجب واذا تحبين ممكن تحددينه بقلم كحل بعد ماتنظفينه لان اكيد يكون حايشه الكريم الأساس فيطلع مغبر شوي
الدرس الثاني:
الخطوة الأولى
حطي اللون الأساسي بحيث يكون ابيض او رصاصي او ذهبي المهم يكون اللون فاتح
الخطوة الثانيه
بالكحل السائل ارسم خط العين من فوق وارسمي قوس كورة العين وحطي الكحل من تحت العين وداخل العين القلم
الخطوة الثالثة
اختاري اللون اللي تبينه ومرريه على القوس اللي رسمتيه ومن تحت العين
اخر شي حاولي تدمجين اللون مع الكحل الأسود على الأطراف مثل الصور
يالله جربوا وقولوا لي عن النتايج ممكن تغيرين في الألون كل مره اختاري لون وحطي نفس الحطه و بالتوفيق
ولنا لقاء قريب ان شاء الله
و منتظرين باقى الدروس على احر من الجمر