مليت و زهقت و طقت كبدي .. ماسكلي عا الزله على طول

و الله مليت و عمري ما اشتكيت لا لامي و لا خواتي و لا لصديقه و لا لاي حد بس خلاص طفح الكيل .. و الله تعبانه .. تعبانه نفسيا و جسديا

من ثمان سنين متزوجين و عدنا ثلاث .. رجال طيب و كريم و ملتزم ، بس يعصب كثير و اذا غلطت احسه ما يصدق على طول يزعل و يمد البوز .. صحيح نتراضى في يوم او يومين .. بس كثير كثير .. زعله اكثر من رضاه .. و كثرة الدق تفك اللحام

و الله اني احس خلاص عفته ما احبه .. كان انا قاعده فعشان الاولاد .. صحيح يمكن مشكلتي تهون قدام مشاكل كثير من الخوات في المنتدى .. بس انا انسانه و كم يتحمل الانسان .. شعري شاب و احس نفسي على طول زعلانه و مرات اعصب على الاولاد بسبته -و هذا الي ياكللي قلبي

ابغي انفجر فيه و اطلع كل الي في نفسي بس اخاف اسوي مشاكل كبيره .. ودي اقوله اني اقدر اعيش بدونه لولا الاولاد كنت من زمان تركته .. و دي اقوله ان يحمد ربه قاعدتله في البيت شايلتنه هو و اولاده على راسي .. خواته و بنات عمامه يشتغلون و رامين الاولاد على الخدامات .. اقدر انا بعد اشتغل و اطلع من بيته و اصرف على نفسي و عيالي -عندي شهادة ماجستير و كنت اشتغل يعني اذا قدمت اي مكان ان شاء الله بلقى شغل- .. اهله في كل المناسبات مجامتلتهم و على اتصال فيهم بعكسه الي ما يعبر هلي .. ما اطلب منه اي شي .. اي شي .. شو يبغى اكثر من كذا .. و الله اني شيخته و شيخة طوايفه .. حاسه بالذل .. و شعور كريه اعوذ بالله .. ها المره زعلانه و ما ودي ارضى شو ما سوى