ممكــــــن تساعدوني

*السلام عليكم ورحمة الله وبركاته*
بنات الله يسعدكم انا متزوجه وعندي بنت والحمدلله وعمري 22 بس مشكلتي اني سرت اتضايق كتير من اهل زوجي انا ساكنه معاهم في نفس البيت لكن المدخل واحد بس والله احس اني مخنوقه احس اني مو مرتاحه مافي حرية تعبت ابغى احس اني متزوجه وليا بيتي واستقلاليتي مدري اذا انا حساسة ولا ايش انا سار على زواجي تقريبا سنه و7شهور انا انسانه هاديه واستحي كتير اه يابنات تعبت احس اني في هم ام زوجي تتكلم على مرة ولدها الكبير تسوي وتسوي وانا اشوفها تمام وتقول انها تسوي كل ذا رياء انا نفسيتي تعبت مره سارت بيني وبين زوجي مشكلة ورحت بيت اهلي وعادي انا عارفه اي متزوجين تحصل بينهم مشكله شي طبيعي بعدين كلمتها تخيلو ايش قالت لي انتي ماتعاملينا اصلا كويس وبدات تخاصمني وتقولي اصلا انتي قوية حتى الناس يقولو عليكي وانتي في الزواج كنتي تطالعي فيا بنظرات كانك تبغي تضربيني اه تعبت مدري ايش فيا انا ببالغ ولا كيف بس نفسي افضفض لاحد اخاف في يوم انفجر واخسر كل شي حتى زوجي وبنتي ابغى افضفض لاحد مايعرفني لو قلت لامي مسكينه بتزعل ولااخواتي بيقولو ليا اسمعي الكلام وطنشي وانا الحمدلله بحب زوجي لكن سرت افكر كتير ونفسيتي زفت وسرت اشك في حب زوجي ليا تتوقعو ليش انا بصراحه خايفه ابغى احد يفهمني انا في وضع طبيعي ولا كيف