عزيزاتي الحوائيات .. الــــــــــــــــسلام عليكم
الحقيقة اتمنى منكم ... اللي سبق وحجت .... تخبرني ايش الاستعدادات للحج ؟؟ .....
الملابس اخذ كم وايش نوعها ..
العبايات كم عباية ....
اي شي تنصحوني فيه من ناحية الملابس او المشاعر او التصرف بالحج او الاخطاء اللي لازم اتلافها .. او اشياء كويسة اخذ بها ..
ياليت تخرينا عشان انا وغيري يكون عندنا خبر .....
وشكرا جزيلا مقدما
والله يكتب لنا الحج جميعا ويتقبل منه ... وصل اللهم وسلم على نبينا محمد
يازين الحج واجواء الحج روعه
طبعا اكيد انت رايحه مع حمله والحمله توفر لك الاكل والشرب ومكان النوم لك لحافك لحالك ومخدتك وانت تفكيها من كيسها تكون جديده ويوفروا لك ثلاث وجبات فطور وغدا وعشا وخفايف بين الوجبات ومنها القهوه والشاهي وحتى شكولاتات وعصيرات وايسكريم في بعض الحملات مش كلها
بالنسبه لك لو رايحه مع زوجك لك شنطه لحالك وله شنطه لحاله
تاخذي لك فيها عبايه احتياط وشاحن لجوالك تكتبي اسمك عليه وملابس احتياط زي اللقنزات القطنيه لانك حتمشي كثير فتمنع احتكاك الافخاذ وخذي جزمه احتياط مريحه غير اللي انت لابستها
واذا بتفسخي عباتك في الخيمه تاخذي لك لبس مريح وساتر لانك لما تكوني نايمه ممكن تتكشفي فاعملي حساب هالنقطه
خذي فرشة اسنان ومعجون وصابون الخاصه بالحاج تلاقيها بالصيدليه او بنده مكتوب عليها خاليه من العطور
خذي فرشة شعرك وكم بكله احتياط وشباصه وبنسات
كريمك الخاص فيك بشرط مو معطر واذا معطر خليه لبعد التحلل ولاتنسي مزيل رائحة العرق كلها لبعد التحلل
خذي كتيب فيه شرح لكيفية اداء مناسك الحج فيه كتب شرحها ميسر وبسيط احيانا بعض الحملات يوفروه لك
نصيحه من قلب لاااااتضيعي يوم عرفه في السواليف دوري لك زاويه في الخيمه واعتزلي الناس اقضيه في الدعاء هو يوم واحد من ايام عمرك لاتضيعي منه لحظه اطلبي الله كل اللي في نفسك والحي في الدعاء واستغلي فترة غروب الشمس بطلب المغفره
كل ساعات الحج ساعات ثمينه استغليها لاتضيعها في السواليف والضحك
وتقبل الله منك ولاتنسينا من دعائك