منتو طبيعيات .. !!

السلام عليكم ورحمة الله

بفتح الموضوع بسؤال : انتي لو كنتي تاكلين

مقالي وشبس ووجبات سريعة وكل اكلك جنك فود

هل يحق لك تجبرين غيرك ياكلون نفس الشي ؟

لا طبعا ... ولا حتى تتجرئين ..

نفس الشي بالحياة .. لمن يجي رجل يهين كرامتك وادميتك

وتستكتين وتعتبرين سكوتك هو التصرف الصحيح

هل يحق لك تجبرين غيرك على نفس التصرف ؟

لا طبعا .. ولا يحق لك حتى تتجرئين ..

لمن يجي رجل بكل موقف زعل بينك وبينه يردد : انتي ناقصة

عقل ودين .. حابة تسكتين بكيفك ..

انما مو بكيفك تحاربين وتحقدين على كل وحدة تدافع عن نفسها

وترد عليه .. لانها بكل بساطة حررة زي منتي حرة

مو شرط تشبهك بسلبيتك وضعفك ...

بدل ما تهاجمينها وتحقدين عليها .. تعلمي منها الشجاعة

لا تقولون لي ترد عليه بحكمة واسلوب .. لان مو كل رجل

ينفع معه الاسلوب اللين ..

ليش تنقهرون لمن تشوفون بنت تدافع عن نفسها وتعرف

شلون ترد اعتبارها من زوجها لمن يغلط عليها ؟؟

وليس لو شفتو بنت بهالشكل تتمنون ان زوجها يطلقها

ويتزوج عليها ؟؟ هذا طبعا غير كلمة حلوة - الي تسبب حساسيات

الدنيا عندكم

صفوا نواياكم وتمنو الخير للناس ..

منتو طبيعيات من جد .. شايفين الرجال كيف يتمادون

الي يخون والي يضرب ويسكر والي يطلق الحرمة ويحرمها

من عيالها .. وكله طبيعي عندكم .. منتم مستنكرين

ابرد ماعندكم .. ماشوفكم تنقهرون لا على حالكم ولا حال

من يعز عليكم ولا لكم اي ردة فعل قوية ..

لكن لا شفتو حرمة وقفت وقفة قوية ودافعت عن حقها

تكهربتو .. وقامت قيامتكم !!

وش هالاحاسيس المشوهة هذي ! كل هذا رخص

بانفسكم ؟؟؟

لو راضين تعيشون حياتكم بهالستوى بكيفكم ..

انما لا تحطون حيلكم بالي ما يرضون .. لا مو كل

الناس مستعدين يعيشون بمهانة زيكم ...

اما البنات الي يواجهون مشاكل مع ازواجهم

نصيحة من اخت تحب لكم الخير .. لا تكتبون مشاكلكم

بالعام .. تعرفون وش يبي يجيكم ..

ممكن نقدم طلب للادارة يتفحون قسم استشارة زوجية

يختاون له عدد من العضوات الي معروف عنهم حكمتهم

عشان يساعدونكم بحل اي اشكال ..

ولين يتطبق هالشي لا تكتبون مشاكلكم بالعام

اختاروا عضوات تثقون بارائهم وراسلوهم وان شالله

يساعدونكم ..

والسلام خير ختام