من أولى بناتي والا ام زوجي

السلام عليكم حبيباتي عاد انا بدخل في الموضوع على طول انا كنت متزوجه قبل زوجي هذا وعندي بنات من زوجي الاول الله يحفظهن بناتي مو ساكنان في نفس المنطقة اللي انا فيها بعيد شوي والله أحيانا اجلس بالأشهر ماروح لزيارتهن بس اكلمهن واتطمن عليهن المشكله ام زوجي ساكنه في نفس ديرة بناتي ام زوجي طيبه وتحبني مره وانا احبها واستحي منها اتفقت انا وزوجي ان أسبوع الاجازه اللي جاي انا بأخذه واروح اشوف بناتي كله الأسبوع خاصه ان لي فترة ماشفتهن وخلاص اتفقنا على كذا اتصل على امه قالها انه بيجي يمها وانا باروح لبناتي حلفت هي  قالت لا والله لتجون عندي وانا اشتقلت للبنات قصدها بناتي من زوجي الثاني اللي هو ولدها مشكلتي أني اذا رحت عندها ماتفكني وتعزم أقاربها وجاراتها وتقول لا تروحين مكان فلأنه جايه تسلم عليك طيب انا وش ذنبي إجازتي تضيع ماهتنيت مع بناتي المشكله ان زوجي وعياله بيروحون معاي ومقدر اخليهم امه كبيره في السن ماعاد تقدر تخدمه وعياله والله انها ورطه كل أجازه أشيل الهم كذا اذا رحت لبناتي عمتي بتزعل وبتقول تركت زوجها وعيالها من يخدمهم وإذاجلست ماباكون مرتاحه بالرغم من ان زوجي يقول خذي أسبوع وروحي انبسطي مع بناتك ولا يهمك احد بس انا ماحب احد يزعل مني وش الحل بنظركن مع العلم ان بناتي مايجلسون عندي طول الاسبوع لا يجون من الصبح لين اخر الليل وما ينامون عندي قال ايش خائف عليهم من عيال اخوي ويجون زيارتين والا ثلاث بس