من امس افكروالله تعبت

السلام عليكم ورحمة الله وبركاته
اخواتي انا بنتي ولله الحمد انخطبت وامس جوني اهل العريس عشان يتفقو معايا ويشوفو ايش شروطنا
هو الولد يدرس بره واناقلت لأمه انه ماعندنا شروط ولاشي الحمدلله والمهر اللي يقدروعليه لأن الولد طالب
هذه اول نقطه تمام:09:
تاني شي الفرح قالتلي تشاركونا وكانت اخت زوجي حاضره الكبيره واناقلتلها لأمانقدر نشارك قامت قالتلي خلاص نسوي فرح بسيط قلتلها انا عادي ماتفرق
انا قلتلها لأنه طالب علم فخليه يقدم اللي يقدر عليه والمظاهر ماتهمني :)
اناماعندي غير بنت وحده بسس الله يخليها ويسعدها يارب اخت زوجي قالتلي انت غلطانه انت كده كأنك راميه بنتك عليهم واحنا بنتنا مو رخيصه احنا نبغى نفرح بيهاونبغى نعزم كمان
اتصلي على الحرمه وقوليلها اهلها زعلو وقالو لازم تسوو لها فرح زي البنات ونعزم اللي نبغاه
وانا بصراحه ابغى استر بنتي وابغاها تتزوج وماحب المشكال في الزواجات وخايه انهم يغيرو رايهم ويبطلو والله يابنات من امس وانافي صراع
زوجي يقولي ماعندي اشاركهم
وبنتي زعلت تقولي انا وحيدتكم ليه بابامايسوي لي فرح وابغى افرح زي البنات كلها
واخت زوجي تقولي دقي عليهم وقوليهم المهر35الف والفرح انتو قومو فيه
وانابصراحه مرتاحه للناس والولديردس بره واناماابغى البزخ والتكلف للناس
لأني انا مريت بنفس الموقف ايام زوجت ولدي الله يوفقه ويعوض عليه يارب
انتو بالله ايش رأيكم ساعدوني الله يخليكم وشورو عليه والله انالوموظفه ولاعندي دخل كان سويت لبنتي كل اللي نفسها فيه بس ربنا عالم بحالي وانامابغى لبنتي غير الستر والسعاده ايش رأيكم ودعواتكم لنا وجزاكم االه خير:26: