من تساعدني في مشكلتي ربي يوفقكم متاخرة في الزواج

كرهنا الحياة احس ماكاني اودام لنا احساس

لية البنت هنا مايعاملونها كويس

اهم تنظف ولا توسخ

اوامر وتعلميات تعبت

قرأت مشكلة حق شخص في منتدى ثاني
خواته نفس عمرك انتي وأختك بالضبط
يقول خواتي كثير ينخطبون لكن أمي وأبوي مافي أحد يرعاهم وأخواني وأنا كلنا متزوجين
وما في أحد يرعى أمي وأبوي عشان كذا أخواني مجرد ما يتقدم أحد لخواتي يرفضونه بدون ما يقولون لأحد
وهو طارح المشكلة يقول حاس إني أظلم خواتي ومشارك في الذنب مع أخواني وخواتي في الثلاثينات وخطابهم صاروا قليل
كيف أزوج خواتي وأوقف بوجه أخواني مع إن أخواني أكبر مني ومتفقين إن البنات يعنسون ولا حاسين بالذنب وعندهم عادي
ولما قلت لأخواني خواتي بنات وبشر أكيد لهم رغبة وغريزة في الزواج قالوا انثبر مو شغلك
ولما قلت لهم ما تخافون من دعاء خواتي عليكم؟؟ قالوا هم ما يدرون إن احنا نرد الخطاب كيف يدعون علينا؟؟ أكيد ما راح يدعون علينا يفكرون محد يخطبهم
وتخيلي أخوانه رافضين رفض تام يجيبون شغالة ويتقاطون في راتبها
يقولون أمي وأبوي يخدمونهم بناتهم أحسن وأضمن
وراح عمر البنات في الخدمة وأي خاطب ما يدرون عنه حتى إنه تقدم
وممنوع يروحون جمعات علشان لا يسمعون حكي

ما أدري ليه جا على بالي أكتب مشكلتهم
والله إني حاسة فيك وفي مشاعركم انتي وأختك
وكلي الله سبحانه وتعالى وأكثري من الاستغفار أختي
تأملي قوله تعالى
واستغفروا ربكم إنه كان غفارا يرسل السماء عليكم مدرارا ويمددكم بأموال وبنين ويجعل لكم جنات ويجعل لكن أنهارا
صدق الله العظيم

وتأكدي لو لك رزق لو يجتمعون الإنس والجن عشانك يحرمونك رزقك ما قدروا يحرمونك اياه
لأن الرزق بيد الواحد الأحد يمكن فيكم عين ارقي نفسك وأكثري من الصدقات وأتمنى لك التوفيق
والله يرزقكم بزوج صالح ويعوضكم عن الأيام إلي فاتت

حاسه فيكِ عزيزتي 
بس إحنا الأن في ليالي عظيمة إستغليها أنتِ وأختك بالدعاء والإستغفار والصدقة لو بريال !
وأسأل الله العلي العظيم أن يرزقك ويرزق أختك قبل أن تشرق شمس العيد بالزوج الصالح التقي النقي الغني طيب القلب صدوق اللسان 
روحوا السوق وإشتروا غيروا من نفسيتكم لو عندكم حوش أو سطوح أطلعي إنتِ وأختك وشموا هواء 
لأن فعلاً جلست البيت بين جدران تتعب النفسية 
خذي نفس عميق الأن وإحلمي بكل اللي تتمنيه وحطي في بالك مهما كانت أحلامك كبيرة ف الله أكبر وأعظم وأرحم 
دعواتك لي ولأخي بالوظيفة الحكومية اللي تسعدنا وتفرح قلوبنا

اقعدي مع الوالدة وكلميها بالطيب خليها تسمح
لكم تعاونونها في المطبخ وغيره من أمور البيت لا تقعون ضحية للهواجيس والاكتئاب والعزلة
، ان كان عندك شهاده روحي أبحثي عن وظيفه ولا كملي دراستك بأي وسيله تحفيظ القرآن
فاتح أبوابه للكل هناك ذكر ومحاضرات وحفلات و صداقات وناس ممكن يتعرفون
اختلطي مع الناس واطلعي وصادقي ووسعي صدرك وانجزي في أحلى سنين شبابك

انت كتبتي هالموضوع تعرفين ان عندك مشكله فلازم تغيرين من بعض مفاهيمك وارائك
وتحاولين في اللي حواليك علشان تعدلين أمورك

انا بشهر فضيل ركزي دعواتك للرحيم ان يرزقك وأختك بالزوج الصالح انه على كل شي قدير
وماراح أنساك من دعواتي حبيبتي عسى الله ييسر أمرك

حبيبتي أحنا 6 بنات وكانو يجون خطااب كثيرييييين يطلعون أخواتي وأمي ترفض وتطلع عيوب هي وعمتي وأبوي مايدري عبالهم صدق الين أنا قلت له وانا أصغر أخواااتي قلت أمي وعمتي ظالمين كذابيين انت خلي الخاطب يشوفها وحدد من عندك يابوي واخواني معاك وبالفعل تزوجو كلهم وعمتي وامي مقهوريين ومايدخلون بيوت خواتي وان ا الاخيره الحيين برضو زواجي اخر شهر العيد وعمتي وامي مابيحضرون الزواج
بقريح لعل ولا وحده حضرت حررريم موسوسين ببالهم الزواج فراش وبس والله من قلة الحيا وأصلا لاطاعة المخلوق في معصية الخالق غير كذا يوم القيامه بيشربون من حضيتك انتي واختك امك ذي عاقه أعوذ بالله شتحس فيه