من تستطيع المساعدة

السلام عليكم ورحمة الله

ترددت كثير اني اكتب مشكلتي بس بالنهاية قلت بكتبها

لعل وعسى ان الله سبحانه يفرجها علي بنصيحة منكم أو دعوة صادقة

انا مصابة بالبواسير من سنين طويلة وسويت عملية ولا استفدت شي الا زيادة العذاب

الله يجعله تكفير لذنوبي

المشكلة مو هنا المشكلة اني مقصرة جداً جدا جدا مع زوجي يعني في واجباته الزوجية

وهو طبعاً مو من النوع اللي دايم لا والله يعني من وين لوين بس انا احس اني فقدت كل الاحاسيس

وهاجس البواسير والمها مسيطر علي بشكل غريب عجيب

كلش اهملته ما احب الزينة ولا الاجتماعات ولا اللبس اللي يشوفني يقول بالستين

وانا عمري 40 لي سنتين ونص من سويت العملية وانا على هالحالة

المشكلة زوجي صامت وبديت اشوف انه دايم تعبان وزاد صمته اكثر واكثر

حتى صار ما يحب البيت ودايم معصب وزعلان

والله من جد تعبت وزهقت من نفسي ودي اتغير لكن عجزت

الحمد لله انا مؤمنة وملتزمة ولله الحمد وادري انه ابتلاء لكن مشكلتي

زوجي اخاف تتطور امورنا الى اسوأ

انا ادري ان الشكوى لغير الله مذله ولا تنفع لكن انا صراحة اثق بآراءكم

واعدكم خوات لي عشان كذا تجرئت وكتبت وابي المشورة

واللي ما عندها شي تدعيلي ان الله تعالى ييسر امري ويفرج كربي وكل مسلم ومسلمة