من تفيدني لادعي لها طول عمري

بنات والله العظيم أني حزينه على بنتي حالها يحزن ومافي يدي شي تعبت والله تعبت بنتي عمرها ثمان سنين واللي يشوفها يقول عمرها خمس سنين الحمدلله طولها زين بس شدة النحف مخليها ضئيله والله العظيم اني اكتب لكم الحين وهي قدامي دموعها في عيونها عشان قلت لها اكلي
شهيتها مسدوده بشكل غريب واذا أكلت ماتاكل الا رز وزبادي وبكميه محدوده وتكره التوابل والخضروات واي شي له نكهه حالها يحزن رحت لدكاترة اطفال على حسابي كلهم فاشلين في معالجة انسداد الشهيه عند الاطفال اللي صرف لها فاتح شهيه وطلع اضراره مخيفه واللي قال عطيها حليب بدشور واصلاً بنتي ماتقبله وعجزت عنها لان المشكله في شهيتها مو وش اعطيها
دايم بطنها يعورها واذا اجبرتها استفرغت ياناس بنتي من النحف طالعه شينه هالات وذبول مافيها نضارة الاطفال ولا حول ولاقوة الابالله
وحده من الحريم الكبار قالت فيها عفنه ورحت لمداويه شعبيه وعطتها سعوط وادهنها بزيت زيتون مع حلتيته وكله كذذذذذب بس ماخذت منهم الا التعب وبذل الجهد تعبوني وتعبو بنتي
يالله لاطب فاد ولاشي
مره استمريت معها بالتشجيع ورفع المعنويات وتنويع الاكل واجيب الاشياء الي تحبها وهي محدوده جداً لمدة ثلاث شهور طبعاً جهد كبير مني
ونسيت نفسي وقصرت في بيتي لازم الاحق وراها وفعلاً جاب نتيجه واحلوت وزانت وكلن لاحظ
بس مجرد ماتركتها وصرت احط لها اكلها واروح اشوف اشغالي ونفسي انتكست مررررره لازم الاحق وراها واوكلها واذكرها باكلها وانا عندي طفل اصغر منها وزوج وبيت ونفسي والله تعبت
الحمدلله بنتي ذكيه ومتعافيه بس قلة الاكل مخليه شكلها مره ضئيل وكل من شافها رحمها وعطاني لستة من النصايح اللي مانفعتني ابدا