من عيوني بس مو الهدرجة !!

السلام عليكم
تعرفون بطاقات التأمين حقت المستشفيات و المستوصفات اللي تشمل الموظفين البعض الشركات 
هذي شاملتنا انا وأطفالي 
وعندي اخت زوجي دايم تطلب بطاقتي هي حبيبه وتستاهل وماعندي مشكله بس هي تروح مستوصف وعلى انها انا وتراجع برضو ماقلت شي واسكت بس يااخواتي والله مليت لازم تطلبها بالاسبوع مره
وعلى اشياء بااايخه جدا جدا تستخدمها مثلا عندي الم في رجلي ممكن بطاقتك 
فيه حبه على خدي مخوفتني ابي بطاقتك
ودي اسوي تنظيف الاسناني ممكن بطاقتك
مزكمة عطيني بطاقتك
بروح اخصائية بشرة اشوف حل الشعري ابي بطاقتك
جرحت يدي بالسكين لايكون محتاج خياطة ابي بطاقتك 
ودي اسوي فحوصات كاملة ابي بطاقتك
والله يا اخواتي لا بالغت ولا زودت انها تطلبها الهذي الاسباب 
طبعا بتقولون لي كله منك ليش ماتتعذرين انك محتاجتها مره كنت حامل وكنت فعلا محتاجتها مررره وقالت تبيها قلت فترت الشهرين هذي محتاجتها مره اسكتت هي وراحت دقت على اخوها وجاني زوجي قالي عطيها هي تبيها يوم وترجعها 
وكلمت زوجي قالي صعبه استحي من امي مستحيل اردهم عطيها ياشيخه
ومره طلبتها 3 ايام ورى بعض وانا مرررره وصلت معي قلتلها فلانه خذيها  مابيها والله احس تستخدمينها اكثر مني قالت زين احسبها انحرجت ولا البنت تخليها عندها وجلست شهرين عندها البطاقة ومارجعتها وسألها وين بطاقتي قالت انتي قلتي مااحتاجها يعني صدقت 
والله تعبت لمحت انه مايصير وهذا تلاعب ولو كشفونا يسحبون البطايق قالت لا انا حريصه يعني البنت ابد مو ناويه تستحي وتترك بطاقتي بحالها 
اخر سالفه قبل دقايق دقت اهلين فلانه ابي بطاقتك رجلي شاده علي بشوف شفيها
دايم رجولي يجيهم شد عضلي ماعمري رحت مستوصف اربطها وخلاص 
وزوجي يقول طلعيني من السالفه ماراح اكلمهم انتي عليك تلمحين الاختي وطفشيها بالتلميحات واذا مافهمت مالي دخل 
رايكم الأستسلام افضل شي وانه اعطيها وخلاص
فيه تصرف ممكن اتصرفه مايجرح ويخليها تفهمها وتبطل تطلب البطاقة ابي حل مليت 
والله لو تطلبها على اشياء ضروريه مثل صرف ادوية غاليه وتحتاجها او مرض مزمن مثل سكري وغيره من عيوني وفدوه لها بس كله على اشياء بايخه