من ...@@@فيكم ما تسوي مثلهن؟؟@@@حصيصه و مزنه ,, و حمد و محيميد ,,

بسم الله الرحمن الرحيم




السلام عليكم و رحمة الله و بركاته





مساء و صباح الخير للجميع






اضع بين ايديكم هذا الموضوع وهو الفرق بين البنت و الولد و خاصة بعد رجعتهم من العزيمه






البنت بعد الرجوع من العزيمة



حصه: يوووه فاتك نص عمرك.. توني جايه من العزيمة:S_45:





أختها مزنه: وش حطوا؟:boom:





حصه : يو يو يو ، حاطين كلش، ما فيه شي ماحطوه ، أول شي الشاهي، بيالاتهم تجنن
مزخرفه ومسكاتها ذهبيه ، بعدين القاتوه مدري من فين جايبينه طعمه يجنن وحاطينه
في صياني خربزيه وفيها نقط صغيييره لونها أخضر ، والمكسرات تموووووت ، حاطين
كل كسرة في كيس! والا العشاء ياربيييييه يهبببببل(يستمر وصف الاكل ساعة
ونصف):icon32:


أختها مزنه: جت نوف؟





حصه : ايه جت، يالله لبسها يجنن، لابسه فستان وردي مطرز بكرستال بني ، لبسها من
جد ياخذ العقل ::rotaeye:





أختها مزنه: لايكون نفس اللي لبسته قبل 5 سنوات؟





حصه : : لا لا ذيك المره لابسه فستان أحمر مو وردي ولا كان فيه كرستالات


،


اختها مزنه: أجل شكلها لابسه فستان بنت عمها أريج لاني شايفه اللبس هذا عليها


.


حصه: اي والله، يووووه يخزياه، والله انه ماتستحي ؟ لا وأريج تدرين وش لابسه ؟
اليوم لابسه لبس يحوم الكبد، الظاهر انها شاريته من أبو ريالين ::ohmy:





أخته مزنه : وجزمتها؟:confused:





حصه : ما أدري ماشفتها، تصدقين طول العزيمه وانا احاول اتشوف للجزمة لكن
ماقدرت، حتى اني يوم طفشت في الاخير ذبيت شنطتي تحت الكرسي حقها على بالي ما
ادري ونزلت راسي اخذ الشنطة عشان اقدر اشوف الجزمة بس ماقدرت،الكلبة لبسها كان
طويل مرة ومغطي رجولها:angry2:





اختها مزنه: اكيد جزمتها مثل لبسها يحوم الكبد .. هي دايم كذا ذوقها خايس ...طيب
ومكياجها كيف كان؟





حصه : وععععع ، مكياجها مخليها اكبر من امها، تخيلي حاطة روج بني، الظاهر انه
ديرما مو روج، والله المسكرة بعد يووووووووه مالها داعي، ما ادري مين النذلة
اللي حاطه لها االمكياج ، شكلها زوجة ابوها





اختها مزنه: طيب وتسريحة الشعر :



حصه :حقت مين؟ نوف والا اريج؟





اختها مزنه: كلهم


.


حصه : تسريحة نوف حلوة، حاطة شباصة فضية وبكلة وردية، ومشابك برونزية والشعر
صابغته بلون كحكحي لكنه يهببببل،





اختها: كحكحي؟ يعني ايش؟





حصه : ماتعرفين الكحكحي يالقروية؟ هذا لون جديد للصبغات ، اذا شفتيه تجيك
الكحه من زينه حتى سألتها وين مصلحه شعرها فيه ورفضت تعلمني النجسة، اما اريج
تسريحة شعرها باييييخة، شفتي تسريحة خدامتنا جيناتا وهي تغسل المواعين؟ نفسها
بالضبط:lick1:





اختها مزنه : على طاري الخدامة؟ خدامة اريج وش لابسه


..


حصه : الخدامة لبسها عادي، لكن جزمتها خقااااااااااااق ، تهبل ماكأنها جزمة
خدامة، لونها اسود وعليها خيوط فسفورية





اختها مزنه: صدق والله؟ هذي مو جزمة اريج؟





حصه : الا والله؟ وانا اقول وين شفت ذا الجزمة فيه .. هذي جزمتها قبل عشرطعش
سنة، اتذكرها شكلها عطتها الخدامة بدل ماتكبها في القمامة.





(ويستمر الحش إلى صلاة الفجر):40:





-----------





الولد بعد الرجوع من العزيمة:arb:




حمد : السلام عليكم، توني جاي من العزيمة وترا كل الشباب يسلمون عليك



اخوه محيميد : عليك وعليهم السلام




انتهت المحادثة..!!!