من قال الزواج مو حلو

الهدف من موضوعي هو بث روح الامل والتفاؤل وان الرجال مو واحد مالكم بالطويله وانا اتصفح المواقع الا اطيح بهالسؤال من انسان ماشاء الله عليه يدور رضى زووجته الله يهنيهم اخليكم مع السؤال شوفوا بس :

كيف أكسب زوجتي من جديد

أنا شاب عمري 27 سنه متزوج من سنه و5شهور بالضبط
من البدايه انا عارف اني غلطان بس صاراللي صار وابي حل افزعولي ياجماعة الخير 
تزوجت من احدى قريباتي وكانت الامور بيننا من احلى مايكون بعد سنه من زواجنا قررت انه نسافر وسويتها لها مفاجأه وهي طارت من الفرح اللي الان اذكر ردت فعله
طلعنا تمشينا في مصر وبصراحه انا كنت حريص على وناستها وزوجتي كمان تهتم فيني بشكل كبير ولكن انا ما ارتحت غيرت الفندق اكثر من مرتين كنت قلقان من المكان وخايف عليها كثير ما ادري ليه مع اني اخذتها شهر العسل لماليزيا وكان روعه زوجتي كانت اذا شافتني متضايف تحاول تعدل مزاجي يعني هي ماقصرت وانا كمان كنت احاول ماابين لها ..انا مااقولكم كانت السفره سيئه بس ماكانت مثل ماكنت راسم لها كنت ابيها شهر عسل ثاني المهم لما رجعنا الوالد سوالي عشاء عائلي وجوا كل اخواني وخواتي الا وحده منهم ولما سالت عنها قالوا ان زوجها مستلم انا دقيت عليها وقلتلها كلمي زوجك اذا ماعنده مانع اجي واخذك ..رحت لها وواخذتها هي وولدها وجلست تسالني في السياره كيف السفره والجو هناك واستانستوا ولا لا ومن ذا الكلام وانا قلتلها اني ما ارتحت يعني فضفضت لاختي وهذي غلطتي وصلنا للاهل وبعد العشاء راحوا اخواني ودخلت قسم النساء ولقيت اختي مع زوجتي وسمعت زوجتي تقول السفره كانت حلوه وانا انبسطت عاد اذا هو ماارتاح ماادري هو ماقالي عرفت ان اختي مامسكت لسانها ولما دخلت عليهم كنت مره معصب واناظر باختي وهي من الفشله ماتطالع فيني زوجتي قامت صبتلي كاسة الشاي ولاتكلمت ولما رجعنا البيت حاولت افهمها وعيت تسمع وقالت مالوا داعي تنشر اسرارنا وتفرج الكل انك مو مرتاح انا فهمتها اللي صار بس البنت مانست و تغيرت عليه الموضوع الان له 5 شهور ..وهي عادي قايمه بالبيت وفيني ومو مقصره بس بهدوء حتى تعبير بمشاعرها ماصارت تقول شئ عكس اول انا ماني عارف وش اسوي معاها......... بدون تجريح رجاء


ما اقول الا ماشاء الله والله يهني سعيد بسعيده والله يخلف علينا اللي ننهان يتفل علينا ونصير حنا الغلطانين