من مر عليها مثلهم

ذا الاشكال لازم تسحبين عليهم

الي ما يقدرك لا تقدرينه:44:

هلا ياعسل .. لا تزعلين نفسك .. ياكثر ماصارت معي .. ومعك حق المفروض الوحدة ما تنطنش وتسفه الرسالة .. وخصوصا اذا جاتها من صديقتها .. ومع هذا .. انصحك انك تلتمسين لهم العذر .. انت ما تدرين وش ظروفها ..

كل الناس وظروفها ماتدرين وش الي اشغلها والا وش ظروفها الافضل انك تدقين عليها واذا ماعطتك وجه خلاص

مو لازم تكلمها وتقطعها بس دامها غاليه عندي الافضل انك تدقين

شكرا بنات

داقة عليها قبل فترة مره ولا ثقلت عليها بحكم البيت والوظيفة اكيد مشاغل مابيننا شئ ولله الحمد

يمكن مع وظيفتها الجديدة توها مااستقرت

وانا مشتاقةلها خصوصا ان فرصتي بالاجازة

لكن هي مو معبرة

اسلوب تطنيش الرسايل بحد ذاته كل مره مزعج صح لو عندي احد مريض او غيره صعب لان مالك نفس لشئ

لكن اشياء ثانية مثل وظيفة وظروف مفرحة عادي ارد

يعني هيي يوم خيمت بالعيد الي فات اعايدها برسالة ولا ردت قمت لا كلمت ولا بطيخ لانها ردت على غيري الي علاقتها رسمية معهم

لكن انا تمون علي فتطنشني

عاد من كثر رسايلي لها كل اسبوعين او ثلاثة رسالة

لكن قوية ثلاث رسايل ولا ترد حتى لو اني اكلمها بالتلفون كل اسبوع مو كل شهر ونص المفروض ترد على الرسالة

شوفي بما انها ترد دايم عليك
اكيد لها ضروف


وش تقول اجل الي ترسل رسايل تعزمهم فيها وتقولهم ردو ويشوففون المسج ويسحبون
لاتقولون وش دراك انهم شافوه
لانهم بعد فتره يقولون ايييييييييييييييييييه جاني بس كنت مشغوله
طيب ردي
من باب الاحترام