من يتخيل انه راح يكون سبب في هداية الجن

السلام عليكم و رحمة الله و بركاته

اخواتي في الله

ترا هالكلام هذا لي قب ما يكون لكم انتو

يعني لازم كلنا نطبقه

مرة سمعت معلومه مفيدة

وحابه اشاركم معي

المعلومه هي انكم اذا شفتون احد يرتكب معصية فانصحوه
ولا تقولو ان هذا الشخص ما راح يتقبل او وينه ووين التدين

لان سبحان الله

الله سبحانه و تعالى هو الهادي

اكبر مثال
سورة الجن

ان الجن قالو انا سمعنا قرآنا عجبا

والجن هذولا اهتدو

يعني ممكن يجي ع بالك انك بكلامك قد يهتدي احد من الجن!!

يمكن اخر ما يخطر ببالك

لا
و مو بس جن
نفر من الجن

يعني عدد قليل

بس لا تستهينوا حتى لو بواحد

ومثال اخر
بعض الممثلين والمغنين اللي يهتدون
ما شاء الله بعضهم
ربي يثبتهم ويثبتنا
يكونون مضرب مثل للخير

سبحان من يخرج الحي من الميت ويخرج الميت من الحي

مرة احد الدعاة يقول انه مكان ينصح مجموعه من الشباب في مكان عام
وبعد مدددده صادف شاب ملتزم جدا

تتوقعون هذا الشاب هو واحد من المجموعة اللي كان ينصحهم ؟؟!!

لاااا

تخيلو
ان هذ ا لشاب يقول انه كان مار ووقف يسمع لهم من بعيد

اما مجموعة الشباب فلحد الآن ولا واحد منهم التزم
الله يهديهم ويهدي جميع المسلمين والمسلمات يا رب

يمكن الحين بعد

احنا نكتب موضوع او رد لاحد
يمكن احنا ما نعرف ان في احد يدخل يقرا ويتاثر

درينا او ما درينا
مو هذا المهم
المهم ان الله سبحانه و تعالى يدري

أليس الله بكاف عبده

فاحنا لازم نزرع الخير في كل مكان

واكيد بنجني خير بإذن المولى العلي القدير

والسلام عليكم و رحمة الله و بركاته

ملاحظة
كتبت الموضوع اليوم في قسم ثاني بس ليعم الخير نسخته هنا بعد