من يمسح عني دمع اليتيم...........

كم يثلج قلبي تجمعكم وحرصكم وخوفكم على كل من طلب الامان بينكم سبحان الله دفء نلامسه وكأننا رأينا بعضنا
كم يعجبني خوفكم على كل من اشتكا وطلب لا حرمني الله منكم ورزق كل من ينتمي لهذا المنتدا مبتغاها اللهم آمين
خواتي ابكتبلكم مشكلتي بختصار
عايلتنا مرض الحب متفشي فيهم لدرجه مخيفه وامي مب من نفس العايلة فمن كثر الفضايح يابنات صارت تخاف علينا بس شوفوا وش سوا خوفها علينا
منعتني العب مع بنات عمي رغم اني كنت صغيرة 7أو8سنوات وحرمتني العب مع اي احد عشان ما اسمع منهم كلمه كذا ولا كذا تخربني :06:والحين تزوجوا وانامالعبت حاسين فيني كنت ابكي جمب الثلاجة وانا اسمع اصوات رجولهم يراكضون فوق وكم مرة كانت نايمه طلعت لهم وتفرجت معهم افلام كرتون فصحت ودورت علي بالصبح ومالقتني فطلعت ونادتني وانا بيدي حلاوه والله يابنات ضربتني وانا رجولي حافيه في الشمس تغلي واهي ماسكتني وطيحت حلاوتي طاحت بالارض وانا ابكي ودخلتني

بعدها بفترة دراستي كانت بعيده عن عايلتنا وبنات عمي بالتحديد هم مكه واحنا بالرياض وكبرت امي بدت جدا جفوية معايا تجرحني وانا صغيرة كنت ما اتحمل احد يقولي يابقرة واروح بأي زاويه واصيح كانت تعايرني بجسمي لاني كنت دبدوبه لما البس البنطلون والله تقول انا كنت اتفشل منك بالعزايم عشان لبسك موكووول وانا برابع ياعااالم والله حرام

وكبرت وصرت بالمتوسط وبدت الهم من جد تعايرني على جمالي وان اختك تطلع احلا منك واذا عطتنا فلوس لها تعطي اما انا تقولي اخذي من ابوكي والله تقولي وانا بهالعمر انت مالرح تتوفقين بزواجك ليه كذا تضلمني ليه من دون سبب تطلع عيوبي ليه ماتضمني وتمسح دموعي ليه تحب عيالها انا وش سويت مب بنتها

بالثانويه كانت تقولي كريم اذا رايحه المدرسة ليه مين تورين ويالله انواع التجريح وانا لله مسلمه كانت تقولي اذا تأخرت بالنوم ليه مانمت بدري تفكرين في رجال واذا انا واختي سولفناودخلت تقول وش قاعدين تتكلمون عنه عن الرجاجيل

والله حتى السب عن كلام الي جوا فاهميني انتوا فبعدها صرت اقولها ماتستحين تسبين بكلام وصخ كذا وصرت اسب خواتي نس سباتها فصارت تستحي وماتعيدها
ولما كنت بالثالث ثانوي كنت اتمنى اجيب معدل بس هي دمرت معنوياتي كانت توز في انز ابوي زوجوا البنت اي بلدية نفتك منها حرام عليها ليه مع ان وربي شاهد مافي احد بالمدرسة ما يموت علي من معلمات بس وين الخلل مدري

كل كلمه تطلعين مع رجال قافله الباب عندك رجال ماتدخلين شي بدولابك غير ثيابك عشان ثياب رجال بدخلينه حسبي الله ونعم الوكيل
وانا كلي على الالم صابره والله العب مع عيال عمي وانا 12 سنه تقول لابوي هذي تحب فلان ويضربني وبطلت
مع العلم ان اختي عندها الحين جوال من يوم ماكانت بالمتوسط وانا اخذته يوم انا بالجامعه ولا بتفتيش وشك وقهر

هي تكلم الي تبي وانا ممنوع حتى صديقاتي بحجة انا ما عندي بنات يقرقرون على الجوال طيب كل صدقاتي حفظة كتاب الله وهم الي يدقون مب انا شسوي صرت اطمن عليهم قبل ما انام بالليل وخلاص
النت لا تجسين عليه وذا اختي عادي لو عشر ساعات لللليه يايمه ليه عشان ماتخربين ابوك يقول انت تدورين رجال كل البيت عادي شمعنا انا
والله يابنات يشهد ربي ان ما ادخل النت الا عشان انتفع وكم مره بس والله دخلت ادور فيديوا لمطربه ولما اذكر سخط ربي ارجع استغفر واتوب ولا ارجع
الحين انا بالجامعة واول مادخلت تقول انتي ما اشوف الجمال الي يصلحة فيك الوااقي وليش تحطين كحل فصرت اروح الجامعة واحط ولما صارلها دوام سبحان الله شوفي النقيض
انا كنت باره فيها لدرجة اني الي احس انها ترتاح اذا سويته اسويه وترجع تقلب علي انت ماتغسلين غير حبتين مواعين وانا الي شايله البيت ولا يبين بعيها والله اذا شفتها تعبانه اغيب عن الجامعة عشان اشيل عنها لين ما اعتذر ولما اشوف ما تشكر وبس تسب اروح الجامعة
والله دخلت المستشفى عندي نزيف داخلي وبشكل مخيف استشاري الطاقم انجن كيف بنت عزابية يجيها كذا وعرف انه من اثر نفسي وحاولو يسولي تنضيف بس شوفوا امي يوم دقت على وش قالت انت لا تدلعين ولا تمثلين وارجعي وانا حرارتي نار وبين الحياة والموت ليتني مت ولا اشوها قاسيه علي وبعد فترة انت السبب في سمنتي بالشكلاطة اي شي صرت اسويه يرجع علي صرت الحين اسوي بس الي تطلبه مني مع انها تلجألي اذاا بكت وتشكيلي وانا ادلكها اذا تعبانه واذا جا ابوي اكون نص النهار ادلكها تقول ساعتين دلكتيني وفالته البيت ليه انا وين اودي دموعي وعند مين ابكي

حسبي الله على الرجال الي ذلتني فيه وليل حين ما جا تقول للي يخطب ولا يرجعلي تفل على وجهك وانا ادعععععي الله يفرجها والله يابنات بأقل من سنة رزقني جمال ما يتصوروالحمدللهورشاقة العالم تتكلم عنه وصبر وقربني منه ربي بس انا حزينه ما عندي اخت اشكيلها غيركم ادعولي وانصحوني ويش اسوي.....
تعبت اشكي الدنيا وهي ما تعبت تلاحقني اكبر حزن انك تكون يتيم ووالدينك على الارض عايشين.