من يوم مات اخوي هذا حالي (احتاج طبيب نفسي ؟؟)

السلام عليكم ورحمة الله وبركاته بنات مدري وش قول لكم بس انا تعباانه كثيير مات اخوي الله يرحمه ويغفرله قبل 9 شهور كان عندي قبل لايموت باسبوع لاني اتصلت عليه وقلتله مشتاقه لك ومن هالحكي هو صغير عمره 17 وسافر وصار عليه حادث وتوفى الله يرحمه ويغفرله ويسكنه فسيح جناته يارب المهم انه يوم مات مادريت كنت مسافره لهم بزور هلي وبالطريق جانا اتصال وحسيت زوجي وجهه صار اسود واقوله وشسالفه مدري ليه ابوي جا ببالي قلت صار لابوي شي قال لا اخوك صار عليه حادث هو بخير بالمستشفى اه يابنات اه يابنات مدري وشلون اوصفلكم صحت صيحه لاشعوري ابكي وابي اتصل اتاكد جوالي مفصول اقول لزوجي هات جوالك بكلم هلي رافض اقول ليه يقول كذا قلت لايكون مات قال لا بس حالته خطيره ادعيله والله لو يموت احسن من يصير مشوه او معاق طبعا هو يمهد للمووضوع عاد انا بغيت انهبل اقول ان شاءالله يعيش حتى لو مشوه المهم اشوفه قدامي وطول المسافه ادعي له بالشفاء وابكي يوم وصلنا شفت الناس والعالم والخيام حقت العزا واناظر مو مستوعبه وزوجي قال احس ن الله عزاك واناظر فيه تصدقون حسيت اني فقدت الذاكره اقسم بالله يابنات وقتها اناظر واقول ياربي وش هي الحياه وحنا ليه موجودين وش يعني هالناس اانجنيت مدري قمت اهلوس مدري شسالفه وادخل مع الباب ويجون خواتي وياخذوه بناتي وولدي وبس تخيلو دمعه طاحت وصحت صيحه وبعدين رحت نمت تخيلووووووو ؟؟؟؟؟؟؟؟؟؟ وطبعا امي وخواتي كانو شايلين همي وش بيصير فيني لانهم يعرفون انا كيف اقدر اخواني يعني لو بس شوكه يمكن اموت احبهمممممممم مررررره افديهم بعمري بس ماشوفهم يوم ممتضايقين او حد يزعلهم المهم صحيت وامي تسولف معي تبي تشوف وضعي وانا اضحك واقوله اخوي مات انا مااصدق تصدقين يمه انا احس اني في حلم قالت امي انا اكلمك اخوك مات وادعيله وكلنا بنموت امي تحاول تصبرني ياقلبي عليها قلت لا انا في حلم وبوسط الحلم اكلمك الحين قالت اجل اخوك وينه قلت يمكن مسافر اي شي بس مامات المهم جلست العزا وسافرت ثالث يوم ومن يوم سافرت وانا احس ان الحياه حلم وحتى اي موقف يصير معي احسه حلم مو حقيقه مدري انهبلت او وشو اي حد يجيب طاري اخوي احس احد يدخل يده بصدري ويسحب قلبي نفسي اوصلكم اللي احس فيه بس معرف بنات احاول ابكي ه عشان ارتااااااااااااااااااااااح مانفع عيت تروح الغصه عيت تروح الحرقه مراتارفع صوتي وانا ابكي ابي ارتااح مو قادره بنات في شي متعبني بقللبي وصرت احس الحياهخ مالهع داعي واللبس ماله داعي والاكل ماله داعي وماعاد استمتع باي شي فالحياه مرات اغصب نفسي اروح اطلع مشوار وانا بالطريق اقول وش هالدنيا والله ماله داعي مرات ابي اقيامه تقوم بسرررعه ونروح نشوف اخونا مرلاات اتمنى اموت انا واهلي ماعاد ابي افقد احد ادري ان اموت حق وكلنا بنموت بس مابي افارقهم مابي افارق اي حد غالي ع قلبي بنات انا صرت احس ان كل شي يدور حواليني حلم انا صاحيه او مريضه ؟؟؟؟؟الله يرحمك ياخوي ويغفرلك اشتقت لك ولسوالفك ولضحكك وكل شي حتى عيالي كل يوم يقولون وين خالي نحبه واشتقناله قولو امين الله يرحمه ويغفرله