من ٢٠٠٤ الي ٢٠٢٠ - الزمن الجميل والتربيه 🌿

بنات كيفكم..
في مخضرمات هنا في عالم المنتديات ولا لا 🌚


تعالو في رحله للذكريات..


انا من ٢٠٠٤ دخلت المنتديات، ابوي الله يحفظه كان عنده لابتوب وشابكه بالإنترنت التليفون الخط الأرضي مين يتذكر هذا الشي 😭


تتذكرون صوت الاتصال والتشويش، كان قلبي يفز للاتصال ساعتها 😂😂..


المهم ابوي لما يخلص من سوق الاسهم اجي اجلس انا وادخل قوقل، عاد وحده من صديقاتي قالتلي ادخلي منتديات كلامهم يضحك ومواضيعهم حلوه..


وانا اش يعني منتديات🌚؟


المهم اقولها وش اكتب في قوقل قالتلي اكتبي منتدى قلوب 😂😂


عاد تخبرون اسامي المنتديات زمان قلوب وعشق وغرام وتعب قلبي وعالم الرومانسيه 💔، ودخلت منتدى قلوب وعيوني صارت قلوب 🥺..


ناس تسولف وتضحك وتنكت واقسام وسعة صدر، يمكن كان عام ٢٠٠٣ وكان كله قراءة في المنتديات وبعدها بسنه تشجعت وسجلت..


اي استفسار في المنتديات زمان لو انه نص سؤال تلاقي الرد عشرين صفحه من قوة التفاعل وكله يقطر ذوق واحترام يسلمووو الغلا..


مستحيل تلاقون احد يغلط او يسب احد، حتى لو كان في اختلاف..


وكانت الناس تساعد بعض بطريقه مو طبيعيه اي احد يحتاج او يستفسر مثل ماقلت اش يجي من ردود تثلج الصدر..


والضحك كان لوول LoL


عاد كنت انا اقلد واقول لول وماادري وين الله حاطني، بعدين عرفت انها مختصره من كلمات انجلش


لاف اوت لاود..


برب
بي رايت باك..


تيت
تيك يور تايم 😂😂💔


عاد رجعت لصاحبتي يابنت ابغا اسجل في المنتدى اسولف زيهم 😭
قالت لازم ايميل وانا كذا صرت 🌚


واجلس ٣ ساعات اسوي ايميل وأخذت تهزئ من أبوي وقومي وش تسوين،


كان اللاب في غرفته وكنت جالسه عنده اسوي ايميل..


المهم كنت احب الفيسات كانت شي جديد واو وحماس لما تحطين فيس يضحك او يبكي..


فأول منتدى سجلت فيه كان اسمي سمايلي 🙂
smily


وكنت احب الروايات اللي انتشرت ذيك الفتره العاميه
قمر خالد
صاحب الظل الطويل
سعوديات في بريطانيا
أنت لي
عاد الروايه اللي تعلقت فيها وماكملتها أحببتك اكثر من ماينبغي واحببتني اقل من مااستحق، الان تنباع في جرير بس انا عموما الان تغيرت قراءاتي تماما ومعد قريتها للنهايه..


كانت مواضيع الخلطات متصدره وردودها بالميات..


مواضيع الطبخ، وكثير من طباخات المنتديات انشهرو حالياً في السناب والانستقرام مثل إبداع تونه اللي كانت في عالم حواء وورد تميم..


كانت الناس هابه فيها


وتستمر رحلتي في المنتديات، بس ماادري الناس تغيرت ليش عبر السنين..


هل السبب التربيه او استسهال التجريح تحت اسم مجهول؟


من ٢٠٠٣ الى ٢٠٠٧ تقريبا ماقد شفت مضاربه ابدا في المنتديات كان الذوق مسيطر ع الموضوع والمدح..
اصلا لما احد يعارض في الموضوع أو يكذب احد ننصدم وتنجرح مشاعرنا 💔🥺
من ٢٠٠٧ الي ٢٠١١ تقريبا بدو الناس يتضاربون في منتديات النقاش بس برضو كان ضمن حدود الأدب..


بعدها طلع الواتس والانستقرام في بدايته وتويتر،
خف وهج المنتديات تماماً وبدت الناس تجرح وتسب..


عاد الثلاث السنوات الاخيره انقلبت الدنيا وصارو يقذفون بعض عادي..


هل هي التربيه اللي تغيرت لو الناس او استسهال الاسم المستعار؟


بس الفتره الذهبيه للمنتديات تقريبا كانت من ٢٠٠٤ الي ٢٠١٠..
صراحه اللي ماعاشوها فاتهم الكثير 😂


أين المخضرمات في المنتديات تحيه عطره مع حبي واشواقي لكم ❤️
واش رايكم زمان َلا الحين، منتدى ولا سناب شات 🥺
اللي تقرأ الموضوع كامل اهنيها على صبرها 😂💔