من 4 سنوات ماكتبت وهذي آخر أخباري اللي بتجنني

السلام عليكم ورحمة الله وبركاته

يمكن من قبل أربع سنوات ماكتبت وآخر كتاباتي كانت وأنا حامل ومن بعدها زوجي إلى اليوم مالمسني !!!
تصدقون هاجرني أكثر من 4 سنوات سنتين وأنا في بيت الزوجية وسنتين ونص وأنا معلقة عند أهلي ولا يصرف علي !!
كنت أكتب هنا قبل إنه يكرهني ودايم يضربني ويهينني و و و والمصيبة حصلت عنده محادثات مع شباب شواذ ويرسل لهم صور عضوه التناسلي و و و و حاجات تشيب بالراس ويمكن جزء بسيط من حياتي وشقاي معه تحصلونه في مواضيعي السابقة

قبل شهرين رفعت عليه دعوى فسخ نكاح ويارب تتيسر أموري وتتسهل ,, من شدة وقاحته طلب المهر !!
طلب المهر وأنا ابوي في بداية حياتنا الزوجية التعيسة عطانا شقة وفرشها وأثثها من الى حتى الثلاجة يعبيها لنا ويصرف علينا !!
عملياتي القيصرية اثنين منها على حساب ابوي
اثاث الشقه اللي في بيت اهله على حسابي وحساب ابوي
طول فترة تعليقي عند اهلي وانا ابيع ذهب واصرف على نفسي واولادي ( يرسل لهم 2000 ) بطلعة الروح وماتكفيهم
مقتدر وراتبه فوق الممتاز بس حسبي الله عليه بخيل علي تصوروا خلال 13 سنة زواج مافيه مره سافر فينا او مشانا او حتى وداني عمره !!!
ولا مره خلال 13 سنة زواج اشترالي جوال الا مره كسر الجوال اللي امي اشترته هدية لي وجاب لي نوكيا عادي وهو احدث الجوالات والماركات ويتسوق من برا حتى مو من السعودية !!
ولا مره خلال زواجي اهداني لو خاتم ذهب
تخيلوا بعد الاربعين مايعطيني ولا هللل ابيع ذهب واصرف واتزين له !!
يقول لزوجة ابوه لولا حشيمتك طلقتها من زمان !!
زوجة ابوه جننتني حتى جواز سفري شايلته عندها بالتجوري تقول ماتاخذينه وراسي يشم الهواء !!!
والله لو احكي دهر ما اطلع جزء من غبنتي وقهري ..

أنا ماتطرقت لموضوع الرسايل اللي حصلتها عنده وموضوع شذوذه وغيرها امور للقاضي وشايله هم الحضانة اكثر شيء بالدنيا كل صبري عشانهم ,,
وهو انسان مايتحمل مسؤولية كل حياته فله وسفريات وحاجات مايعلم فيها غير الله

الحين وضعي المادي سيء أبي وظيفة في مدرسة حكومية لو ادارية والله اني بحاجة مايعلم فيها غير الله جربت القطاع الخاص وكرهته خصوصا اللي فيه اختلاط استغلال للمرأة واهانة وااذلال الله يكفينا شر كل من في نفسه شر .. اللي تقدر تساعدني في موضوع الوظيفة أو تعرف واسطه بتكسب أجري وأجر عيالي وحسبي الله وكفى