مساء الخير حبيباتي لاحضت في الفتره الاخيره وايد بنات يسالون كيف نصلي الوتر او القيام او الشفع وقررت اكتب بطريقتي المختصره شلون انا اصليهم وطبعاً الطريقه الصحيحه 🌸
قيام الليل اقل شي ركعتين واكثر شي مو مذكور يعني كيفج ...
تصلين ركعتين وتطولين فيهم يعني اول ركعه تقرأين سورة الحمد في الركعه الاولى وتقراين من المصحف الصفحتين اليمين واليسار وتسجدين وبعدها في الركعه الثانيه تقراين سورة الحمد و تمسكين المصحف وتقرأين منه الصفحتين الي على اليمين واليسار عادي اي سورة مو مذكور اهم شي تطولين في الايات و انتي واقفه بعدها الركعوع والسجود تطولين فيهم وتدعين الي تبينه وتقولين الصلاة الابراهيميه وتسلمين جذي خلصنا قيام ليل لو تبين اكثر من ركعتين تسوين نفس الشي ركعتين وتسلمين.. الرسول كان يصلي ١٢ ركعه قيام الليل وانا مثله اصلي ١٢ ركعه وبعدها ابدا الشفع والوتر ..
بعد ماخلصنا قيام ليل بنصلي الشفع 🌸
الركعه الاولى تقرأين الحمد وبعدها سورة الاعلى وتركعين وتسجدين وبعدها تقومينو تقرأين سورة الحمد و الكافرون وتركعين وتسجدين وتسلمين .
اخر شي بنصلي الوتر🌸
ركعه وحده بس بتقرأين سورة الحمد بعدها الاخلاص الي هي قول هو الله احد بتركعين بس ما بتسجدين؟؟؟؟؟ لا بتقومين من الركعووووع وتقعدين تدعين الي تبينه الي هي ادعية الوتر بتحصلونها في النت + اي ادعيه تبينها انتي وبس تخلصين؟؟؟ تسجدين وتسلمين هاي الطريقه الصحيحه حق قيام ليل والشفع والوتر واتمنى افدتكم ولو في غلط صلحوا علي حبايبي ولا تبخلون علي بدعوه 💜
قمر خالد 1 @kmr_khald_1_1
عضوة جديدة
يلزم عليك تسجيل الدخول أولًا لكتابة تعليق.
لـذّة..
•
تسلمين 🌹..
من زمان كانت قيه عضوة فالمنتدى
أعتقد أسمعا طرحة الله يرحمها
كتبت موضوع عن صلاة قيام الليل
وأنها ٩ ركعات متصلة.
شرحت الطريقة وجابت الأدله.
سويت بحث فالمنتدى أدور موضوعها ومالقيته
مشكورة على موضوعك.
أعتقد أسمعا طرحة الله يرحمها
كتبت موضوع عن صلاة قيام الليل
وأنها ٩ ركعات متصلة.
شرحت الطريقة وجابت الأدله.
سويت بحث فالمنتدى أدور موضوعها ومالقيته
مشكورة على موضوعك.
الصفحة الأخيرة