مواقفكم المضحكه مع الاشياء اللي تخافون منها

السلام عليكم

طبعا موضوعي اكيد كل واحده فينا فيه شي تخاف منه مرررررررررررررره غيرها يشوفه عادي وصار لكم موقف ماتنسينه

انا عني ما احب السلالم الكهربائيه:09::09::09:
مااحبها بتقولون عادي مااحبها اخاف منهامووووووووووووت مع ان ابوي مره جبرني بالقوه وطلعت فيها لكن برضه ماحبيتها
المهم الموقف اللي صار لي:(
مره من زمان رحنا الرياض وانا لسى ماتزوجت ورحنا مول مااذكر اسمه كنا نبغى فساتين سهره وااقمشه وهي بالدور الثاني ومافيه مصعد ماافيه غير الحبيب السلم الكهربائي
وقفنا عنده وامي وابوي يحاولون فيه وانا لالالالالا:angry2:يسحبون من هنا وانا لا يدفون وانا مافيه امل اتحرك الناس صاروا يتفرجون ويضحكون وانا معصي مااطلع واختكم مرررره معنده مافيه مااطلع مااطلع وفي النهايه طلعنا من المول مااخذنا شي:eek:

المره الثانيه مع زوجي :icon28:
جبت العيد
بس المره هذي في دبي
ياويلي ويلااااااااااااااااه
والرجال مايدري عن علة الحبيبه اللي معاه
نفس الشي دخلنا المول على طول في وجهنا السلالم قال يالله
قلت بكل براءه افضل المصعد
قال مااعتقد فيه قلت لا ندور قال مايحتاج يالله
والاجانب طاالعين ويطالعون فينا ام الفشله
وقررت اخبره بامري لعل في قلبه قليل من الرحمه وطأطأت رأسي واخبرته بالصاعقه
انا اخاف من السلالم :(
خليه يحزن عليه ويقول يالله نخرج
لا قال مرررره سهله بس حطي رجلك .........مااخليته يكمل قلت لاتحاول
اخر شي قال امسك بيدك ونطلع
وانا طلعت براسي فكره:30:
قلت طيب بس نعد 123
قال يالله هو مسك يدي وقال 123 وحط رجله على السلم
انا سحبت يدي منه وهو طلع وحده وصار يطاع فيني وهو طالع ياشر لي اطلعي وانا لالا
وهو ياشر وانا اقول له بااااااااااااااي
وفي النهايه نزل من السلم الثاني
ورحنا دورنا مصعد وانتهت المشكله على خيييييييييييير