مواقفكم مع الحرائق

هلا فيك
أنا ما أذكر غير الحريق اللي في الحج عـــ 1417ــــــــام كنت بالحج وشوفت الحريق قدامي وربي نجانا منه برحمته

واااو لا تجيبو طاري الحريق انحرق البيت الي بجنبنا والنار بتوصل بيتنا وامر الدفاع المدني باخلاء البيت الي انا فيه......
كنت مالي سنه متزوجه وكان زوجي رايح لصلاة التراويح ....
واهو الله يهديه محذرني ويقول لي الانتر فون وجرس الباب اذا دق ماتردين عليها اذا ماني موجود بالبيت ......
مالكم بالطويله المهم دق الانتر فون كذا مره وانا الزوجه المطيعه مارديت ثم جرس الباب ومارد يت .....
صابني قلق ثم انطفت الكهرباء وانا اضم بنتي توها عمرها شهر واحس بالخوف وصرت اسمع اصوات في الشارع واروح جهة الشباك واشوف انوار الدفاع واشم الريحه عرفت انه فيه شي .....
وامشي واصكع في الجدران لين اوصل باب الشقه وافكه واخرج وش اشوف نار وناس عالم كيف اخرج لهم كذا ولا ابقى الشقه ظلام اخاف ارجع .... وبرا كيف اخرج وانا ماني متستره وش الحل واروح تحت الدرج وارتص خخخخخخخ جاهله

بعد شوي اسمع زي صوت زوجي يبغى يدخل العماره والرجال يقولو له محد فيه اخليناها طلعنا الي فيها لكن اهو متاكد اني جوه وجاني مفجوووع طاير بيدخل الشقه وانا انادي وقف انا هنا ويصرخ عليه ليش ماخرجتي ؟ عباتي مهي عليه وخايفه ارجع الشقه وطلع وجاب العباه وغطاني وطلعة بغيت اختنق ...... هذا الحريق سبب لي خوف الحين اذا انا لوحدي في الشقه تلاقيني اطفي المكيفات وافك الشباك على خفيف حتى اقدر اسمع اذا صار شي برا البيت خخخخ والله يبعد عنا الحرايق

امممممم الحمد لله ماصار اني شفت حريق


بس اتذكر مرا كنت عازمه اهل زوجي وقبت النار بوجهي واحترق قميصي كله بس من ستر الله ماصار لي شي ياربي لك الحمد الى شفايفي صارت حمرا من الحرارا وحواجبي اطرافها اتاكل بس ماصار فيني اي تشوهات


الحمدلله والله يكفينا شر الغفلهه

الله يكفينا شره

اذكر يوم احترق بيت اختي
كانت معنا على التليفون تكلم امي مره ومره تكلمني
المهم اختي فجأصرخت وحذفت السماعه
ولا نسمع الاصياحها وصياح بنتها انفجعنا ماندري وش السالفه
وبعد شوي الا نسمع صوت الدفاع المدني وصوت مواعين تتكسر في المطبخ
كل هذا نسمعه في التليفون

ونتصل على زوجها مايرد وانفجعنا قلنا اكيد فيه شي
طلعلت الحريقه في المطبخ وولعت الدنيا وصوت المواعين اللي نسمعها يوم الدولاب ساح من النار
وطاحت منه وتكسرت

المهم ربي سلمها بس اختي جلست شهرين فاقده الذاكره من الموقف بعدين الحمدلله رجعت لحالتها الطبيعيه

والله الحريق يخوف الله يكفينا شره والمسلمين اجمعين


الله أكبر الله أكبر الله أكبر ... لا إله إلا الله
الله أكبر الله أكبر .. ولله الحمد

الله أكبر كبير والحمد لله كثيرا وسبحان الله بكرة وأصيلا
لا إله إلا الله وحده ... صدق وعده .. ونصر عبده .. وأعز جنده وهزم الأحزاب وحده
لا إله إلا الله .. ولا نعبد إلا إياه .. مخلصين له الدين ولو كره الكافرون