مواقفكم وقت الشوفه الشرعيه >> سبق نقاشه من قبل

مواقف البنات يوم الشوفه ( النظرة الشرعية )
________________________________________

طبعا حبيت أوضح لكم بعض دباشة البنات بالحياء الزايد

مواقف كثيييييييييييره في ليله الشوفه للبنات


تقول وحده : انه يوم جاء يشوفني خطيبي كنت لا بسه تنوره ضيقه ونصحتني أمي إني ما البسها ولكني عاندت وقلت ألا بلبسها ويوم دخلت وسلمت وجلست ولا اسمع صوووووت تششششششششششش وإلا التنوره انشقت من وراء
يا الله وش أسوي ؟؟
جلست وأنا أقول لنفسي يا الله وشلون بقوم ؟؟!!
وخطيبي جالس ما قام (( مستانس وش وراه )) وأبوي يناظرني والشرر يتطاير من عيونه ويأشر لي عشان أقوم وأنا خلااااااااص لازقه في الكرسي وما اقدر أقوم لو قمت بتطلع بلاوي ..
وطبعا أختكم في الله جالسه ومنزله عيونها في الأرض وكنها ما تدري عن أبوها ذا ألي يأشر صار له ساعة وفي الأخير قام أبوها وقال للخاطب بطريقه لبقه انتهت الزيارة حياك الله ويوم طلع فشششششششششششششش على غرفتي قبل لا يشوفني أبوي و يأدبني ....


والثانية تقول : أن يوم دخلت بالعصير وقدمته وتأخر خطيبي في مد يده عشان يأخذ العصير فظنيت انه ما يبي فمشيت مسرعه بالصينية وهو يقول ( لحظه .. لحظه .. أبغى واحد لو سمحتي))..


والثالثة تقول : يوم دخلت أشوف خطيبي ومعي صينيه العصير تفاجأت فيه يصرخ بقوه ( ما شاء الله ما شاء الله )
وقام وقف قدامي وهو يردد(( ما شاء الله ما شا الله )) أنا ارتعت وش ذا المهبول قمت أصارخ وطلعت أصيح وجاء أبوي وجلس يحاول فيني ادخل مره ثانيه وبعد ما طلعت روحه دخلت وجلست بعيده عنه وهو مازال يردد بصوت واطي (( ما شاء الله ما شاء الله))



والرابعة تقول : أن من عاداتنا أن الخاطب ما يشوف خطيبته إلا بعد عقد القران ولكن يوم خطبني صديق اخوي أصر انه يشوفني فدخله اخوي في المجلس وكان شباك المجلس يطل على الحوش وحط المقاضي في الحوش
وناداني (( يا منيييييييييييييره تعالي شيلي الأغراض )) جيت وأنا لابسه قميص البيت وشعري منفوش (( يعني وحده في البيت وش شكلها ؟؟!! )) المصيبة ميب في ملابسي ولا في كشتى المصيبة إني جيت افحط بالعربية واخوي يحاول يهديني ويقول : (( يا منيرة أعقلي , بشويييييييييييييييش )) وأنا ما عطيته وجه جالسه افحط وفي الأخير قال الرجال ما أبي ألا هذي لأنها خفيفة دم ..