السلام عليكم ورحمة الله وبركاته
باركووووووولي :icon28:امس رحت للعمرة هعهعهاااي وايه نسيت ادعي لكم !! امزح امزح بالعكس كلكم كنتم شاغلين بالي والي صار بالحرم والي ما صار بكتبه يعني بكتبه << يؤ غصب هو ؟؟؟
رحنا للحرم واول ما صحيت من النوم كنا وصلنا لاني آخرتهم كالعادة وما نمت بدري خخخخخ
ووصلنا للحرم وفجأة وقبل لا ادخل الصحن الي الكعبة فيه قلت :بروح الحمام !!! ياويلي ويلاه بعد عناء ومشقة وصلنا للحمامات الي كلها ناس ياويلي وش ذا ؟؟؟ وبالنهاية لقطت حمام محد فيه واخيرا خلصت بعد عناء وطلعت ولما وصلت عند ابوي واختي الي كانو يستنوني كنت منحررررجة مرررة
ووصلنا اخيرا للصحن وقمنا بالطواف وانا اعرق واعرق وشوي يصير مسبح خخخخخخخخ واحنا كنا بالعصر يعني الشمس تخبط براااااسي اهيء هيء والله يعطيهم عافية الي يعملون هناك وزعو علينا تمور ومناديل ومويه قبل لا يأذن ماشاء الله عليهم :)وطبعا الي صار قبل لا ندخل الصحن اننا حطينا الجزم اكرمكم الله ورا وحدة من الابواب الفرعية بعدين جتنا الي تعمل هناك وقالت نشيلها ولا الحين احد بيسرقها وبابا شالها وحطها بمكان الله اعلم وينه !!! والمهم خلصنا من الطواف ورحنا للسعي وانا مهدووودة والكل يدفني وانا شادة اعصاااابي علااخر واحنا بالطريق ولا اختي تضــــيع !!!وماما انفجعت المسكينة وتدق عليها بالجوال ومحد يرد وماما خافت وقامت تلف وتدور 
وبالنهاية دقت ماما عليها وردت !! وماما تقولها وينك ؟!!! وهي معصبة طبعا وانا اسمع صوت جنبي وحدة تقول : هنا عند الدرج !! ماما تقول : فين يعني ؟؟ الي سمعتها تقول : عند الدرج ورا الاعمدة!!قلت بنفسي : هالصوت مألوف لي غريبة كأني اعرفه ؟؟!!<<<<< الحمد لله والشكر
بعدين تذككرت قلت آهااا هذي اختي خخخخ والمهم لقيناها وقامت ماما تهزئها وتقولها يا ويلك تضيعين مرررة ثانية !!!!
ووصلنا للسعي وكنا نسعي وفجأة ومرة ثانية اختي تضيع !! هذي وش سالفتها ؟؟ شكلها بتهج خخخ نرجع للسالفة ولقيناها قدامنا وصلت قبلنا بالنهاية ماما ظلت ماسكتها وما تفلتها تقولها : اختك الصغيرة ماضاعت وانتي الكبيرة تضيعين ؟؟!!! واخيرا لما خلصنا سعي ماما حللت احرامي انا واختي ولما خلصت جتها حرمة تقول حللي احرامي وماما حللتها وبعدين جوا ثنتين كمان طلبو من ماما تحلل احرامهم وبالنهاية تجمعو الحريم كلهم عند امي تحلل لهم الاحرام خخخخخخخ قلت : مفروض نفتح صالون
هنا يحلل الاحرام ونكسب عالاقل خخخ طبعا قلتها مع نفسي اخاف امي تجلدني ههههه وبالنهاية صلينا العشا هناك وسمعنا : الشيخ السديس " المغرب" ،الشيخ ماهر المعيقيلي"العشاء ،الشيخ سعود الشريم " التراويح"، والحمد لله خلصنا وبالنهاية اكرمكم الله وفجأة بابا يسألنا وين جزمكم ؟؟ قلت : ليكون ضيعتها!!؟؟ وفعلا ابوي لف فينا الحرم كله ندور كعوب سندريلات 
وبالنهاية اختي عصبت مرررة لان الجزمة اكرمكم الله الي جت فيها غالية وشكلها حلو وظلت طول يومها معصبة وانا شايلة هم من وين لنا حذاء جديد ؟؟وكمان شايلة هم الاكل لاني بس افطرت تمرتين !!وابوي قال خلاص بنروح لمحل نشتري جزم !!!واحنا بالطريق نمشي حافين لان بابا حط سيارته بعيد عن الحرم يعني عند حدود مكة واخذلنا تاكسي بس الحين ما كان فيه تاكسي فرحنا حافين عالطريق خخخخ ووصلنا لمول مرررة الناس فيه كثااااااار ويلا ابدؤا يالتريقة !! ووصلنا لمحل يبيع شباشب اكرمكم الله واشتريت شبشب كيوووت 
واختي لازالت معصبة عشان جزمتها الي ضاعت !! واخيرا لقينا تاكسي بعد عناء ووصلنا لمكان سيارتنا ،هو المكان الي وصلنا له شوي بعيد عن السيارة بس نقدر نوصلها مشي وبابا قال ترا مافي مكان للدخول للمواقف الا هذا واشر على فتحة صغيرة في الجدار وقال اننا ندخل من هنا !! حسيت نفسي مثل الجواسيس قاعده انط هنا وهناك واتخبى ورا الجدران خخخ ولا بنص الليل بعد !! هذا مو جاسوس هذي بات مانه خخخخخخخ ووصلنا للسيارة وجاب لنا باب اكل من ماكدونالز وقعدنا على نص الطريق عند المحطة ناكل وصورت السفرة واحنا باليل طبعا 
وهنا خلصنا رحلتنا للعمرة بعد كل الي صار والتعب وألخ وارجو انكم استمتعتو ودمتم يالغوالي
تشكرآت ..~