وحيده 111 @ohydh_111

محررة برونزية

مواقفي مع ام زوجي الي تجرح

السلام عليكم ..

يابنات ودي اقولكم الي صار بيني وبين ام زوجي وماعمري قدرت احط لنفسي اعتبار قدامها وقدام بناتها عشان مايتطاولون علي مره ثانيه..

اول شي هي طيبه والشهاده لله بس عليها طلعات تجرح كل وحده تحط نفسها مكاني وتقولي وش راح تتصرف..

اول موقف من اخته ايام الخطوبه لما جونا قالت يايمه خلاص لاتاخذون من الاقارب وهي عارفه اني مخطوبه لاخوها.. انجرحت وربي بس سكت ولما تملكنا ناقشته قال ماعليك من خواتي هم يبون من برى بس انا ابيك ..

وبفترة الملكه جتنا امه ومسكتني على جنب وقالت شوفي عاد المهر لاتلعبين فيه خلي منه جزء عشان تاثثون منه انقهرت من كثره تبيني ابقي منه ياربي بس,,,

وبنفس الوقت قالت اسمعي الملابس مانبي بناطيل ولاعاري ولاقصير قلت ان شاء الله مع انها عارفه ان هذا مو طبعي وهذا مو لبسي..

وبيوم الزواج وانا على الكوشه توي جالسه نادت المعازيم للعشاء قهرتني وربي..

وبعد الزواج كنت عندهم على العشاء وحصل موقف من خلاله هزئت اصلي بكلمه هي ماوجهتها لي مباشره بس قالتها .. لبنت ولدها الصغيره قالت يابنت كنك من عائلة الفلان بس السنتهم طويله . قهرتني لان عمر لساني ماكان طويل عليها....

وبيوم عيد الفطر نزلت فرحانه ومبسوطه وكنت اليومين الي قبلها ماشفتها كنت مشغوله قالت مشاء الله صرتي كنك غيرك تقصد زوجة ولدها الثاني لانها ماتنزل لهم خير شر..ودايما يحشون فيها بكل مجلس..
ومابي احد يشبهني فيها لان اسلوبها خطاء دايما..

ومره قبل زواجنا مسكت اختي قالت ابيها تبيض وجهي طيب اذا انا ماجيت على شروطها ليش تاخذني ياربي بس

ومره كانو مسافرين وكنت بجناحي فوقهم لحالي وغسلت الدرج وغسلت الحوش مع انه كبيييير كانه ساحة مدرسه وجو بكره من سفرهم دخلو سيارتاهم بالحوش وانواع الحوسه وقابلت امي وقالت والله جينا من السفر والبيت وصخ وجلسانا نرتب ونغسل الاحواش قلت لها توني ياخاله مغسلتها قالت عساك ماتعبتي نفسك بكلوركس وصابون مع اني ورب البيت غاسله بكلوركس وصابون لاني غسلت الدرجمن فوق لحد تحت ..

انقهرت وسكت مع اني جلست يوم ظهري تعبان من حوشهم بس مابين بعيونهم

طبعا ام زوجي من قرايب امي واذا جيت بروح لامي تروح معي وتجلس شوي وتقول يالله بروح بيتي مليان بس قلت بجي اسلم مدري وش يحدها تروح معي وبيتها مليان وانقهر لان زوجي بيجي ياخذها ومابيه يرجع مشوار ثاني عشان ياخذني وارجع معها وانا مكتمه طول الخط وفيني الصيحه

وانا لو جلسست عندهم العصر وطلعت المغرب لبيت اختي قالت انتي مايفوتك شي كل شي تروحين له وانا ياحسره علي ما اطلع دايما مثلها...

واخر شي طلعنا البر وسويت الغداء بالبيت وسويت سلطاتي وكل شي تمام ويوم رحنا وقال الرجال حطوا الغداء بديت احضره لهم قالت شكلك من اليل مصلحته قلت لاوالله صاحيه بدري وسويته ليش قالت من اليل يعني لهالدرجه انا طايحه من عينها وشايفتني ماعرف اطبخ يارب صبرني

لان هذا كله تصرف اهله وزوجي طيب وحنون بس يقهرني مايعرف يتصرف يعني بامور حياتنا العامه احسه مايعرف يعتمد على نفسه ميتصرف تصرفات رجال ويدير نفسه صح نفسي يفكر صح ويكون عنده راي بكل الامور مو اذا سو اخوه شي قال بسوي مثبه ولا بسال خويي اذا جرب راح اسوي يعني هو مستحيل يبادر بشي ويخطي ويتعلم من خطاااه بس شاطر يتبع الاخرين وهذا الشي مجنني ياناااااس وش رايكم وش الحل معهم....

يلزم عليك تسجيل الدخول أولًا لكتابة تعليق.

تسجيل دخول

(ملكة الثلج) • 14 سنة

الله يكون في عونك ياااارب

oohhoo • 14 سنة

الصابره المحتسبه :

لا يمكنك مشاهدة هذا التعليق لانتهاكه شروط الاستخدام.

:mad:وجع والرد السخيف ناس ماتستحي مو مكفي الصور اللي منزلتها من شوي يابنت ...................

وحيده 111 • 14 سنة

انا احس ان المعرف مسروق وطاح بيد الي ماتخاف الله ما اشره عليها

ام الدلوعين • 14 سنة

يختي الصابره المحتسبه وش هارد ماله داعي لاكن الله يهديك على ردك وهذي ماهي صراحه هذي وقاحه وما اختي صاحبة الموضوع الله يسخرلك زوجك ومه وخواته وجميع خلقه

dianah840 • 14 سنة

حبيبتي لا تسكتي عن حقك

لما تضايقي من شغلة حاولي باسلوب منسق ومهذب انك تردي ولا تخلي شي بنفسك

حكتلك عن السلطة ردك كان رائع بالعكس فهمتيها انك صاحية وعملاها من بدري
حاولي تتقربي منها بهدية اعملي حلو وخديها معكي لعندها

لما تدخلي بيتها احضنيها وبوسيها حسسيها انها زي امك وقريبة منك سبحان الله يمكن مع الوقت قلبها يرق الك كمان وتحبك بزيادة