موضوع جدا رااااااااااااااااااااااااااائع لايفوتك

( الحشرات , مالها دم ) ..

برضو خرابيط ..

الحشرات مثلها مثل غيرها في مملكة الحيوان ..

لها دم .. لكنه يختلف لونه ولزوجته عن باقي الحيوانات ..







( إن كان حبيبكـ ثور , إلبس لوهـ أحمر )

الصدمه الـ 78 :

الثور , مثله مثل باقي الحيوانات .. يشوف اللون الأحمر رمادي ..

انتحر ؟

حتى الأسبانيين .. مسوين فيها يعني اننا نعرف للثيران .. !

يمسكـ له طربال أحمر .. ويمرمرهـ على خشة الثور ..

مسوي يعني انا جالس الحين اثير غريزته الحمراويه ..

نصابين بعينكم ..

والأنصب منكم اخو اللي كتب قصة الاسد في مناهجنا ,

لأن عندي احساس انه هو اللي كتب قصة الثور اللي مايبي اللون الأحمر ..






( افصل البطاريه عن اللاب اذا بتشتغل على الكهرب ) ..

ياكثر ما اسويها ..

وياكثر مايضيق صدري اذا نسيتها مركبه في اللاب توب وانا شابكـ السلكـ في الكهرب ..

كثير منا يسوي هالحركه .. ليش ؟ يقولكـ علشان يطول عمر البطاريه وماتخرب ..

فيه نوعين من البطاريات الشائعه ../

- بطاريه نيكل :

هذي لازم تشحنها أول مرهـ 8 ساعات .. وماتشحنها مرهـ ثانيه لين تخلص البطاريه وتصير فارغه مرهـ ..

وبعدين وجودتها تتأثر اذا طولت مشبوكه في شاحن الكهرب ..

- بطاريه ليثيوم :

هذا النوع من البطاريات .. له عمر افتراضي .. من سنتين إلى ثلاث سنين ..

وهالنوع هذا .. خربان خربان بعد عمرها الافتراضي حتى لو ما استخدمتها ابد !

اشحنها على كيفكـ .. اشبكها وانت تشتغل .. ان بغيت وصلها بعداد الكهرب ..

هالنوع هذا ريحنا من سلبيات بطاريات الـ نيكل .. بس ان عمرهـ قصير ..

طيب .. تدرون ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) ..

ياحسافة ضيقة الصدر بس ..





( كهرب خط 220 , يصرف �أكثر من خط 110 )

امر شائع .. خاصه في الفواتير ..

يقولكـ بالصيف تكثر الفاتورهـ علشان المكيفات 220 ..

طيب وبالشتاء ؟ موب فيه دفايات كهرب 220 ؟

- مافيه فرق من ناحية الأستهلاكـ بين خط 220 و خط 110 !

الفرق الوحيد فقط هو في ( شدة التيار المار بالسلكـ ) ..

وهي اللي تتسبب في سخونة و�حتراق بعض الاسلاكـ .. وهي اصلاً لها تناسب عكسي مع فرق الجهد ..

يعني , على سبيل المثال ..

لو عندنا دفاية 2000 وات .. وتعمل على 110 فولت .. بيمر في السلكـ ( 18 أمبير ) .. وهو سبب الحرارهـ والاحتراق دايم ..

ولو شبكناها بـ 220 .. بيمر في السلكـ ( 9 أمبير ) .. فرق الضعف !

يعني .. الأجهزهـ اللي تشتغل على 220 هي أكثر اماناً من اللي تشتغل على 110 .. ومافيه فرق في قدر الاستهلاك ..






( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي يامرهـ عن الريموووووت ! تبين الولد يطلع مشوّهـ ! )

( أب آخر مستلقي على السرير يداعب طفله الصغير الذي اخذ الريموت ووضعه في فمه بغيتَ أكله : احا احا لا يابابا كخا , بعدين تموت ! )

غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال ..

- ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً ..

وتقع في طرف الطيف المرئي بجانب اللون الأحمر ..

* اي جسم حار تنبعث منه الأشعه تحت الحمراء في مرحله من مراحل التسخين ..

* أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار ..

* كاميرات الفيديو تنبعث منها الأشعه تحت الحمراء وخاصة في التصوير الليلي .. ( ليش ماقال وخري البطنه الكبيرهـ ؟ .. طيب ليش مستانس بخشة ولدهـ وهو خانق القطوهـ وجالس يصورهـ بكاميرة الفيديو , رغم انه تبعث اشعه حمراء ) .. ليش بس الريموت المسكين هو اللي ينكرش ؟ علشان الريموت يتيم وماله احد ؟

* بعض الثعابين , تستخدم نفس التقنيّه ..

معليش يالريموت .. حقكـ علي ..





( فأرة ليزر ) ..

الكل يعتقد ان الـ فأرة الكمبيوتر .. تعمل بأشعة الليزر ..

والله ماوراها ليزر ولا هم يحزنون ..

تراها تعمل ( بالضوء العادي ) ..

يعني مثل لمبة التريكـ ..

طيب ليش الي اخترعها سماها ( ليزر ) .. !

لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر ) , قبل لايرجع لـ ديرته ويخترعها .. نصاب مثلهم ..










سولفت كثير ؟

مدري احس اني اخذت راحتي بالحيل ..

بس اختم بشي صراحه مهم ..

إن العلم , والثقافه .. ماتطرق الابواب ..

من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل ..

يرضيكم اللي سواهـ فينا ابو القصص ؟ واللي كتب المناهج ؟

خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر ..

وهالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ ..






اتمنى اني ما اكون طولت بس ..

آخذ راحتي بعد ؟ ..



سبحان الله وبحمدهـ .. سبحان الله العظيم ..

استغفر الله واتوب إليه .. ولا إله إلا الله ..



من اميلي ..............:27:

الف شكر

سبحان الله وبحمده

سبحان الله العظيم

مشكوره يالغلا
اجل كانو ينصبون علينا
من جد معلومات مهمه نحاول نعلمها لعيالنا عشان مايكونو مثلنا ورا الخيل ياشقرا

مشكورين حبايبي على المرور نورنو ...............................

اللهم اغفر لهما ولولديهما ماتقدم من ذنب وما تأخر .. وقيهم عذاب القبر وعذاب النار .. ودخلهم الفردوس الأعلى مع الأنبياء والشهداء والصالحين وجعل دعائهم مستجاب في الدنيا والاخره .. اللهم أمييييين .
....