بسم الله الرحمن الرحيم
السلام عليكم ورحمة الله وبركاته
يااخواني وياخواتي فيه موضوع شاغلني من زمان وكنت دايما
افكر اني انزله في المنتدى
ولله الحمد جت الفرصه المناسبه ومن الله علي وجمعت مايدور
بخاطري مما اشاهد من شكوى و قهر الامهات وتضجرهن
عند التجمعات النسائيه سوا تجمعات صغيره في البيوت سواء
ميسار الضحويه او العصريه
او التجمعات الكبيره في الاستراحات والزوجات يدور نفس
الموضوع بين الحريم
وتجد كل ثنتين او ثلاث او يزيد مع بعض في حديث ساخن وتعال
اسمع الشكاوى بينهن
كل وحده تشتكي على الثانيه والثانيه عند نفس المشكله مالقت
الحل
المشكله يااخواني واخواتي هي مشكلة الشباب العزاب قلة اهميه
الصلاه
وكلن تحلف للثانيه وتقول والله عيالي يأذن ويقيم وهو مكانه والله
كانه ماسمع الاذان
جوارحه ما تحركت للصلاه ولا استعد بعد وهي المسكينه واقفه
على روسهم صلو
هي طول الوقت صلو صلو تقول هذه خرفت كل ماجا الفرض الثاني
وهي نفس الحاله
صلو صلو وينشف ريقها ويرتفع ضغطها هل اذا صلى تقبل صلاته
وهو هو مغضب امه
وذهابه للصلاه بالغصب وبالاكراه والحاح من امه وليس حب في
للصلاه
الله يهديهم
الموضوع الثاني لايقل اهميه عن الاول
موضوع العيال المتزوجين
اذا تزوج الواحد منهم خلاص نسى البيت اللي تربي فيه وعاش
فيه ونسى اهله واذا جاء زياره كانه غريب
لا يحرك ساكن كانه مبرمج على الصامت
لايسأل عن حال الام وعلى عن اخوانه واخواته
ولايكلف نفسه بمعرفة اواضعهم
او ناقصهم شئ وا تبون شئ او يتقضي للبيت مقاضي
وهو عارف ان طلبات البيت ماتنتهي طيب على الاقل ساعدهم لو
بالشئ القليل لاتحمل نفسك شئ ما تقدره
عطها المصروف من غير ما تطلب
واحلف عليها وحب راسها
لانك اذا عطيتها من غير نفس تحس انك تتصدق عليها
وبعدين اذا عطيتها المصروف قل هذا حقك علينا واني مقصرين
بحقك بس سامحينا حسسها انك تحبها
والله المكسينه ان تطير من الفرحه
وترى والله يزيد مالك بركه
وينشرح صدرك يمكن تحصل منها دعوه
تجعل منزلتك الفردوس الاعلى
ولحديث النبي صلى الله عليه وسلم
انه اتاه صحابي وقال للنبي صلى الله عليه وسلم (( من احق الناس
بحسن صحابتي قال امك قال ثم من قال امك قال ثم من قال مك
قال ثم من قال ابوك ))
وبعضهم الله يهديه حتى الاتصال ما يتصل على امه
والله يابعض الحريم انها تقول انه انا اللى اتصل عليه
وتجي فاتورته فوق 500واحيانا فوق ال1000
والله تنقهر الام ويجي بخاطرها
وزوجة الولد ماشاء الله يوميا تتصل في اهلها
شوف الفرق الزوج نسى اهله
والزوجه زادات علاقتها باهلها
هذا من غير الهدايا اللي توديه لهم
عند زيارتها لااهلها
ليش ما يتعلم منها محبتها لااهلها ويحب هو اهله مثلها
والله عالم غريب
والزوجه تجلس عند اهلها شهر زياره
والزوج جالس مقابل البيت
طيب يااخي حس شوي على دمك ورح
اجلس عند امك وش فيها اذا جلست عندها
على الاقل تريحها من تفكيرها فيك
وش اكل ولدي اليوم اكلها قلبها عليك
وانت ولا حاس باللي حولك ماشي تتبع هوى نفسك
نسيت البطن اللي ضمك نسيت الحضن اللي تربيت فيه
نسيت طفولتك من كان يراعيك
هل الولد ناكر جميل
او انه رجل قلبه قاسي
نصيحه لوجه الله اجعل نفسك بالبيت كالميزان
اعدل بين الام والاخوات والزوجه
لاتنصر احد على احد حتى ترتاح
وتصير عائله مترابطه متعاونه
وتختفي التحسس والشك والمشاكل
اخواتي شجعن ازواجكن عل بر والديهم
تكفن الكل تراجع نفسه
ويبدا من اليوم بادخال السرور على امه
والله ان رضاء الام هي سر السعاده بعد العباده الحقيقيه الخفيه
حواء الحلى كله @hoaaa_alhl_klh
عضوة فعالة
يلزم عليك تسجيل الدخول أولًا لكتابة تعليق.
ftoooo
•
سلمت يمناك ياشيخه على هالدرر.. ليتهم يسمعون بس .. قلبي على ولدي انفطر وقلب ولدي علي حجر..سلمت يمناك ياشيخه على هالدرر.. ليتهم يسمعون بس .. قلبي على ولدي انفطر وقلب ولدي علي حجر..
الصفحة الأخيرة
ليتهم يسمعون بس ..
قلبي على ولدي انفطر وقلب ولدي علي حجر..