والله ما أدري يابنات أنا تعديت الزمن ولا الزمن تعداني
صراحة صرت أروح الأفراح وأحس بتوتر شديد وبطلت الفساتين المكشوفة لي ولبناتي
ومن طلعوا هالبلاك بيري واحنا جالسين في كل مكان تقولين ساهر حولك في كل جيهة
والبنات صايرين آخر قلة حيا
طول الوقت طول الوقت تصوير في كل شي وفي بعضهن كل ما تحركن والمشكلة
بكيفهم مالنا دخل بس لما تكون مناسبة وشو له هالحركات اللي مالها داعي
يعني اني شوفوني وأنا بنت مودرن وكيوت
اففففففف
المشكلة لاحظت انها تزيد كل ماصار الفرح أكثر رقيا وان كان المشكلة طالت الجميع وفي كل مكان
طيب حنا المحافظات المحجبات ندفن نفسنا علشان هم يعيشون
شلون يقعدون يصورون وحنا في الطاولة اللي جنبها وممكن نطلع في الصورة الا أكيد بنطلع
ذاك اليوم واحدة جالسة تصور كل شوي وانا بصراحة تضايقت
وشوي زاد الدلع حبتين وتسوي بيدها حركة يعني شوي علي جنب أنا باصور
وخويتها تسوي بوزات والرقبة شوي يمين وشوي يسار
وشوي ترز نفسها كنها مبارك يوم يلقي خطابه
قسم شي يضحك
وهنا طلعت معي وقلت لها معليش انتي شيلي البي بي وروحي أي غرفة جنب وتصوروا
المهم البنت لما قلت لها وطلع ابليس حقها وزعلت مررة وطالعتني بنظرة يمممممة
ما تتناسب أبدا مع الكشخة ولا الررزة حقة قبل شوي
والدلع في لحظات طلقت أمه بالثلاث
وجلست تصارخ تقول لي
أنا ماني جالسة أصورك
أنا ماني دارية عنك
عاد بقي أحد يفكر مثلك
كل البنات كذا
والله صراحة ما ادري أنا ما يعجبني ولا بيعجبني ولا أخلي بناتي يسون كذا
اش صار للناس
المشكلة لا ضاع الجوال والا البي بي هذي تقلبها صياح ونكد علينا وعلي أهلنا وتبغانا نشاركها مصابها الجلل
وعلي رأي المثل
في احزانهم مدعية وفي أفراحهم منسية
لا إله إلا الله
محمد رسول الله
الله لا يفضحنا آمين
خزامي ونفل @khzamy_onfl
عضوة نشيطة
يلزم عليك تسجيل الدخول أولًا لكتابة تعليق.
شعاع مكة
•
الله يهدي الجميع حنا في الزواجات عندنا تفتيش بالجهاز ولمن يدق لازم تطلعة وتاخذ رقم للين يجووون طالعين وتا اخذ جوالها مو بنات خلق الله لعبة لها
فـجـر ..
•
والله احنا تقريبا كل افراحنا في جدة
ممنوعة جوالات الكاميرا
وهذا احسن واريح للكل
...
والله يحفظنا بحفظه
ممنوعة جوالات الكاميرا
وهذا احسن واريح للكل
...
والله يحفظنا بحفظه
آمين يا اختي الله لايفضحنا ..
طيب انتو وش حادكم تروحون ؟!...ياشيخة اقعدي ببيتك اريح لك :)
فيه ناس تحتفظ بماء وجهها وفيه ناس وجهها مغسول بمرق مثل هالبنت الله لايبلانا ...
طيب انتو وش حادكم تروحون ؟!...ياشيخة اقعدي ببيتك اريح لك :)
فيه ناس تحتفظ بماء وجهها وفيه ناس وجهها مغسول بمرق مثل هالبنت الله لايبلانا ...
الصفحة الأخيرة