موضوع للنقاش< تأثير الاجهزه على الاسرة والابناء

الملتقى العام

اخواتي ابي اسالكم على عيا لكم وبناتكم والأجهزة الايباد والجالكسي وغيره الحين كل واحد يبي جهاز واذا عارضتي يقولون لك طيب ليش ولد عمي وولد خالي وبنت الجيران وغيره الحين عندنا لاب توب وايباد وكمبيوتر العادي المكتبي بالله ما يكفي يعني نتناوب وكل واحد معه بلاك بيري بس أنا وأبوهم ما نفعل لهم الخدمه الا في الاجازات ومو دائماً هذا الحين كل واحد يبي ايباد بروحه بالله مو دلع أنصفوني من هالعيال شوفي فلان وشوفي علان وبصراحه أنا مو من المصاريف بس مؤ معقول كل ما يبون شي قلنا لهم شبيك لبيك غير أضرار هالاجهزه على نظرهم ونفسيا تهم يصيروا خلاص كل واحد قاعد بركن حتى ما عاد يلعبو مع بعضهم كل وحده خواتي تقولي وجهة نظرها في الموضوع ورايها فيه
63
6K

يلزم عليك تسجيل الدخول أولًا لكتابة تعليق.

تسجيل دخول

ندى الورود 10
ندى الورود 10
نصيحة لا تعطينهم وجه
والله من تجربة, لما كنا صغار كل بيت حولنا فيه كمبيوتر صخر والعائلة وكل شيء تتخيلينه, واحدث الانواع الي تنزل بالسوق تدخل بيت جيرانا الي فوقنا والي تحتنا وحنا ست عوائل بالعمارة
وحنا كمبيوتر كبيرة الي تستخدم للعمل جاب الوالد واحد لشغله سنة 1989 , وكان يجاملنا يحط لنا لعبة والا ثنتين فيه كم سنة ماعندنا غيرها
ونتمنى ونترجاه يشتري لنا كمبيوتر العائلة وابد
الوالد بيدفع دم قلبه للتعليم لكن ابد مايحط فلوسه بالعاب وشغلات مضيعة وقت

وبالاخير؟ كل شخص فينا تخرج الحمد لله وتوظف وظايف محترمة, وجيرانا الله يكون بعونهم, ولا واحد من عيالهم الي كان يلعب طول الوقت بالاجهزة كمل تعليمة! والله ما اقول هالحكي شماته باحد, يشهد ربي, لكن اقوله تحذير للاهالي انتبهوا لمستقبل عيالكم

الحمد لله جهاز ايباد واحد يكفيهم, كل شخص ياخذه ساعة ساعتين باليوم, والباقي يهتمون بدراستهم, والا خذوهم لنوادي رياضية يغيرون جو وبنفس الوقت يتعلمون مهارات ثانية
اما لعب ولعب طول الوقت, لا
اسيرة الأمل
اسيرة الأمل
والله لاتشكيلي لاابكيلك
كلهم كذا برضه عندنا اي باد و٢ لاب توب وكل واحد عنده ببي او جالكسي
وكل هذا مو عاجب شوفي فلان وشوفي علان
اوقات نحزن عليهم ونجيب واوقات اطنش
وياريتىفوق كذا في احساس بالمسئوليه عندهم
فعلا زمن مقرف
عاشقة الجنه 12345
تسلموا عالردود والله انهم العيال هالزمن ما يعطون وجه يارب تهديهم وتثبتهم
طال عمري
طال عمري
والله موضوعك جا على الجرح
احنا عندنا كمبيوتر مكتبي ولاب توب وقبل فترة اشتريت للبنات ايباد من عيدياتهم(عندي بنتين وولدين)وتعالي شوفي الحرب العالمية اللي صارت بسبب الايباد كل واحد يبغاه له والباقي صياح ونفسيات والله ماابالغ من نصحى الصبح الى الليل وانا في هذه المشكلة وامس ابوهم جاب ثاني للاولاد وابشرك قامت الحروب الداخلية بينهم كل واحد يحط رقم سري والثاني يصيح
وعلى فكرة انا كنت ضد الاجهزة مع الاطفال لكن ابوهم اشترى لهم بحكم انه كل عيال العيلة معاهم
ام عمر الحلو
ام عمر الحلو
عندي بنت وولد اعمارهم 3 و 2 ويطفشون عيال عمهم على الايباد حقهم يبغون يلعبون معاهم
انا اخاف اجيبلهم يكسرونه لانه ولدي ابو 3 سنين كسر الجالكسي مرتين والمره الاخيره ابوه جابلي بلاك وقال ما راح اصلح لك الجهاز ابد


انا اشوف اداكانو كبار جهاز واحد يكفيهم بالتناوب طبعا
اما زي اولادي صغار لا والف لا كل واحد يبغاله جهاز لانهم ما يعرفون يبغاه على طول بيده والله يعين

بس انتبهو لدراستهم لا يلتهون بهالاجهزه عنها