موضوع لنقاش عن الخدم

موضوع حلو . انا ماعمري جبت شغالة على البيت بصراحة من كثر قصصهم وبلاويهم صرت اخاف منهم

مع اني بحاجة لوحدة تضل عندي بس مترددة ومحتارة من كثر قصصهم

ياريت البنات يشاركوا ويحكولنا قصصهم مع الخدم بلكي غيرنا راينا بالموضوع

آااااااااااخ بس ذكرتيني بشغالي ، قبل أسبوعين مسافرة و ياربي لك الحمد راحة مابعدها راحة ،
صحيح تعب جسدي و شغل و كرف ، خصوصا أنه عندي طفل مريض و معاق ربي يشفيه و يعافيه عمر أربع سنوات و نص و أتعب معاه يرضع رضاعة و في أكله متعب ، و عندي طفل ثاني طيب عمره سنة و تسع شهور ، ربي يصلحهم و يهديهم ،
لي أسبوعين تعبت مع الشغل ، لكن الحمدلله اللي ماأقدر فيه اليوم أسويه بكرة ، أهم شيء الغداء و العشاء و اكل عيالي و تنظيف البيت بشكل عام ، مسكرة أغلب الغرف ، بس الصالة هي اللي جلستنا فيها مع غرف النوم و دورة المياه ، و الغسيل توني شارية غسالة أوتوماتيك مريحتني بقوة و نشافة حرارية ريحتني من الكوي تقريبا ،
و الحمدلله مرتااااااحة بقوة ،
ماخذة راحتي بلبسي و كل شيء ، حتى زوجي نفسيته تغيرت ، ماخذ راحته بالبيت ، مو مثل أول ، ياولد ، و طريق ، لأنني من النوع اللي أغطي الشغالات و هو أصلا مايحبهم و لا يبي يكشفون قدامه و الحمدلله ،
طبعا يوم كانت عندي كانت مافيه أحسن منها ، عدا اللسان الطويل مرات ، و النظافة اللي لازم أشيك وراها دايم ،
قبل سفرها بيومين ماعلمتها متى بالضبط متى طيارتها ، لكني قلت لها تجهز شنطها و تصكها لأنه في أي لحظة بنقول لها مشينا ، طبعا من قبل تقول لي أنا كفيلي الأول مافتشني و يقول أنتي كويسة و بينا و بينك الله فماراح أفتشك ، و هي تقول : أنا أخاف من ربي و ماأدري إيش ،
طبعا بعد التفتيش لقيتها سارقة أشياء ، ماخذة ملابس لولدي الصغير و بناطيل لزوجي الرياضية حواالي ثلاثة ،
سارفة عطر و ساعة زوجي ،
صلصة طعام و ماجي و أشياء كثير ماخذتها ، كلها سحبتها منها ، علشان تعرف كيف قدرها و ماتسرق ،
صحيح أنها رخيصة بس لازم تتعلم الأدب ،
خصوصا أني ماقصرت معها حتى التمر شريناه لها و أعطيتها بهارات و ماجي و كل شيء تطلبه أعطيها إياه ، حتى اسفنجة المواعين عندي طلبتها و أعطيتها مع أنها حقتي ، ماقصرت معها ، فاللي سرقته كله شلته منها ،
لاحظت شعر في كل جزمة من جزمها ، شعرة وحدة بس ، أمي تقول أحسي الظن ، بس بالعقل وش يدخل الشعر داخل الحذيان ،
شعرة وحدة و كل شعرة تختلف عن الثانية ، شلت كل شيء و نفضت ملابسها ، حتى الشنطة غيرناها ،
طبعا شرت جوالين قبل سفرها ، لقيتها حسبي الله عليها مصورة عيالي و بيتي ، حتى دورات المياه ، من دون غرف النوم لأنها أصلا ماتدخلها ،
و لقيتها مصورة نفسها و شغالة أهلي و شغالة أختي و شغالة خالتي ، طبعا مصورتهم في بيت أهلي ، و زيادة على كذا و الصدمة الكبيرة مصورة نفسها صور بشعة كأنها معذبة ، شفايفها حاطة عليها شيء أبيض صايرة كأنها مقطعة و متنفخة و عيونها حواليها زي الكدمات أتوقع مصلحته بظل أو روج ، و مصورة نفسها ، يعني وش تبي بالضبط بذا الصورة ؟ انصدمت بقوة يوم شفتها ، يعني تبي تتبلى علينا و تقول احنا معذبينها ، أو وش قصدها ، أبي أفهم !
مصورة نفسها بعد بأشكال بشعة تخوف ، فاتحة فمها بأقوى ماعندها و رافعة خشمها ، اكتشفت ليش ولدي الصغير كان يخاف ماينام الليل و يصرخ بالليل ، طلعت حسبي الله عليها تخوف ولدي و تسوي حركات بوجهها تخوفه ، كنت ألاحظه مرات إذا راح عندها يصرخ فجأة و أجي أركض أبي أشوف وش فيه ، تقول طاح أو أي عذر ثاني و بصراحة كنت واثقة فيها و ماكنت متوقعة منها ذا الشيء أبدا ،
بعد ماسافرت ولدي الصغير أخذ فترة إلين تعدلت نفسيته ياربي لك الحمد ، و أصلا كارهها خلاص ، ماسأل عنها و لا فكر فيها ، مع أنها كانت دايم تحب تلعبه و كذا ، بس خلاص صار يخاف منها و لا يحبها ،
الحمدلله انقلعت و ارتحنا نفسيا منها ،
طبعا دخلت غرفتها لقيتها وسخة ، النمل يمشي على الأرض ، ماأدري كيف كانت تنام في ذا المكان ، أضيفوا لها حمامها مليانة سراويل و سنتيانات لها ، يعني تظن أني بأغسلها من بعدها الوسخة ، شلتها بقفازات و رميتها على طول بكيس زبالة ، ماأدري وش ذا القرف و الوساخة أو وش ذا الجرأة اللي فيها ،
خلاص كرهت الشغالات من بعدها ، مع أنها أول شغالة تجيني ،
حتى مرات أفكر أقول ماعاد أبي أقدم ، بس وضعي مع ولدي المعاق متعب ، و لو بأحمل بعدين باحتاج لشغالة ، لشغل البيت طبعا و أنا أفضى لنفسي و لعيالي خصوصا المريض ،
بس دعواتكم لاتحرمونا منا ،
بدينا حاليا علاج طبيعي و تدليك و تمارين معاه ، و إن شاء الله فيه أمل يمشي و يتحسن ،
أملي بالله كبير و لاعاد أحتاج لشغالات و لاشيء ،
يارب تشفيه و تعافيه ، و تصلح أخوه و تهديه

طبعا نسيت أقول لكم أن الصور اللي بجوالها حذفتها كلها و سوينا إعادة تهيئة للجوال ،
بس لحد الآن أفكر يوم تصور نفسها و كأنها معذبة ، وش تستفييييييد ؟ وش تبي فيييييييينا ؟
حسبنا الله و نعم الوكيل و إن كان في راسها شر ربي يرد كيدها في نحرها و يبتليها في نفسها ،

الله يشفيلك ولدك يااااااااااااااارب ويقوم على رجوله ويعتمد على نفسه يارب ياكريم

آلحمدالله انه ربي فكك منهآ
وآنه آلهمكك وفتشتيهآ ولا كآن صآرت بلآووي

انا شخصياَ آكررهم كره مو طبيعي طبعاً من اللي يصير بقريبآتي والقصص اللي تنكتب بآلنت ..آلخ

طبعاً بمآ آنه انا فرد من افرآد البيت ومآني الآمره النهايه

مآنسمعت كلمتي بعدم تقديم شغاله .. والصرآحهه مآني حقت شغغل فآ لذآلك مآلي حق بالرفض
جآت وحده من آندونسيآ آلمهم

اول يوم عدآ بسلآم وثاني وثلآث الى ثلآث سنوآت طبعاً لآتخلوو من حركآت المجاغه المعروفه عندهم
ولآبدد انه يصير مموقف يندمك آننك آستقدمتيهآ
ويوم خلصت آقامتهاا رفضت التجديد
وسفرنآها وقبل ماتروح المطار اكيد بنفتشها هذا شيء طبيعي
نادتني وقالت بلم آغراضي قدامك عشان تعرفين اني مااخذت حاجه مو حقتي ولمتها وفي اكياس دخلت بعد استغفالي
وانا عارفه بس مابي احرجهااا وبخلي المهمه للي آكبر منيي
اخواتي راحوا يتفشونهاا دخلو الغرفه وحاصروهاا هع
لقيو آشيآء وآآيد مآخذتها منهآ سرآويل داخليه من كل وحده
سبحة لآخوي جنز لآختي بلووزه لآختي وآشيآء ماني ذأكرتها
وهذآ بس تفتيش سطحي ماتعمقو
طبعاً ماخذه هالآشيآء مولله يآسححر آو سحرر مافي غير كذآ ولو كانت لها كان طلبتنا على فلوسنا
وماقصرنا عنها وهي آععرف بنآ
المهم صآرت تبكي وتبكي وسامحوني وصرنا نبكي معاها هههههههههههههه
وراحت الله معاها

بعد سنه من الكرف والشغل

قدمنا شغاله وجات
من آول يومم رآفضه تشتغل لآنها بنت بيت
تخخيلو جات ثاني يوم فاتحه باب غرفتها

ومتبطحه ورجل برآ ورجل جوآ
يعني اني دايخه هههههه وماجت تدوخ الا في ذا الوضع سبحان ربي
وامي قومتها وجلستها على الكرسي وتعطيها عسل
ويوم ودينها المشفى قالو مابها بلآ
ويآخذها ابوي للمكتبب
ويعطونها كلمتين تسنعهآآ وتخليها تمشي على عجينه ماتلخبطها
وبس ولها اللحين سنه ونص على مااظن

انا اول شغاله جبنتها اندنوسيه:cook: من قريه شعرها كله قمل وصيبان بشكل ماتتصورونه :oومشكلتي مافتشتها اول ماجبتها وماتوقعت ان فيها شي وكنت صغيره وجاهله بامور الخدم
بعدها صار القمل في شعري وشعر بناتي:23: ومن كثرته والله انه يمشي على الكنب والفرش شي خيالي وديتها دكتور وقال حلقيها صفر:3_2_21v: هذي ماينفع فيها شامبو استاذنتها قلت لها تبين تجلسين عندي حلقت شعرك ولا روحي انا ماابيك وانتي كذا ووافقت وحلقت شعرها ونضفتها وصارت نضيفه وبعدها ماعاد شفنا شي
وبعدين اكتشفت فيها مرض الدرن الجلدي وعالجتها وصرت اراجع بها كل اسبوع والله تعبت معها كنها بنتي ولا اختي صراحه رحمتها لانه حبوبه وصغيره وهاديه وكنت محتاجتها وهي متمسكه فيني وضعيفه مره ماهي مثل اندنوسيات اليوم

ويعدها جبت اندنوسيه وصارت تحارش زوجي وتبيه :arb:وتقول لشغالات قرايبي ان بابا يحبني وينام معي ويشتري لي هدايا مع اني عمري ماخليتها معه ولا عمري لاحضت على زوجي شي وهو اصلا دايم برا وسفرتها ونفس الشي جبت وحده ثانيه ولقيتها تدخن وتسرق بكت زوجي وتطلب من زوجي يجيب لها دخان وسجاير وقالي زوجي خليها تدخن ماعليك منها تراه ماراح تشتغل زين الا لما تدخن يعني مستانس عليها وماارتحت لها ابدا لاحضت عليها حركات وابتسامات لزوجي وخفت وروحتها انا ماازكي زوجي احتمال يكون فيه شي بينهم ماادري ماابي اضلمه المهم تبت مااجيب اندونسيات خير شر
وبعدها صرت اجيب سرلانكيات واطلب انهم يكونون قبيحااات وكبار وصراحه الي جو عندي يخرعووون :08:بس احسن هذي الي تصلح لرجال وعارفين قدرهم وانا رجالنا مايبونهم بس عيبهم انهم ملسونات :mad:بس والله شغيلاااات وسنعات والحمدلله:3_13_12: